انه ادري الحمل لو مال أهلى الي يعدلونه
ودري اليجرحه الضيم ربعه الي يضمدونه
ودري اليكول اشا احبابه الي يدفون
ودري البشر من المحتاج اهل الشيمة ينطوني
ودري ادري كلش زين بالعنده زلم ما يختطف لونه
سمعنه بنخوة العباس لجل حملين شال السيف بسنونه
بس عمري فلا سمعان ابو الكلفات احبابه الي يكتلونه
ولا شايف قصر عمران اهلى الي يهدمونه
مو كلتو الاخو لو طاح حته بروح تفدونه
بعد ماهب علينه الريح بس عودان عفتونه
طفح بيه الصبر حده يخوتي وفاض ماعونه
وشبقى من القهر منريد كلهة وبعد انوب تنطونه
والمكتول هم يعيش لو جيتو تزورونه
تعذروني تره الشايل حمل عمرين جا شيكول تردونه
والمليان كلبه جروح من ياصفحة تبرونه
ضل الجسم كومه حجار بس تباوع عيونه
وضل موكد جمر للدوم ما ينطفي جانونه
ما يطفي جانونه
رد مع اقتباس