مترهي الجبل بس ماتعافه أبيوم ..
ولا شالت خشمهه أعله السفح قمته ..
لتغرك سكتي كون خلگي أيطول ..
البحر يكتل أبصوته ويرهب أبصمته ..
مترهي الجبل بس ماتعافه أبيوم ..
ولا شالت خشمهه أعله السفح قمته ..
لتغرك سكتي كون خلگي أيطول ..
البحر يكتل أبصوته ويرهب أبصمته ..
وليغرك مچانك كون عالي اتصير ..
شما يعله النخل ينشف گبل وكته ..
ولتغرك أزنودك كون مفتولات ..
ابو فاضل سحگهه أبلا زند تحته ..
ولتغرك حرثتك كون سهله اتصير ..
العلاس ابن عمي الما حفظ عمته ..
ابن عمي صدگ .. لچن خاله الذيب ..
اذا اتذيب الخال شترجة منه اخته ..
علي دله الحرامي وجابه نص الليل ..
اجه أوياه ايتختل نمت كل ضنته ..
على الخيبه أيتشلبه ضنته واطي السور ..
وحسباله يحوف ويترس الشمته ..
وي اول جدم صحت انه ياهم ذول ..
وي لمضة زمرهن من بهز صبته ..
استخطيت ابن عمي وادري بيه علاس ..
ومحد گالي بعين الظهر شفته ..
لاتعتب يگلبي ولا اچثر اللوم ..
كلمن طينته وكلمن لبن درته ..
مر يوم بشبح متعدي من بعيد ..
وانت بسهم حقدك من بعد صبته ..
صبته بلا عرف وبلا عداوه أوياك ..
ولمن ما گرب لنه الشبح انته ..
ياعدوة مرض تنتشر مثل الريح ..
حته انته ابد ماسلم من انته ..
على كثر ما نزف جرحـي .. وداويتـه ..
على كثر ما ندمت وقلت وش جانـي !
الله يسامحـك قلبـي ويـن .. وديتـه ؟
والله يسامحه قلبـي ويـن ودانـي ؟
:-)
اذا مليتني لو رهم غيري وياك
انطيني خبر ....وبعشرتة اتهنه
عصفور الكلب مايسكن بعشين
الجمر والماي ماينجمع تتمنه
وماترهم سوة قبلة صلاة وي كاس
مثل يوم االحشر لونار لو جنة
انة ملوحت سهر غزر بجفن الليل
وماصخ مستحاك وماشبع منة
الترس عينه النهر فايض بشفتة الماي
والبراسة العطش للغيم يتعنة
