اشمالك ثگلت ويهك ... ويدماك
عليه وگبل چنت امشي.ويدماك
الف نعله اعله يد عمك...ويدماك
عبنهم خلّفوا تمساح اليه
هنيالة اليعيش بقرب الاحباب..
وهنياله اليشوف الي يحبه...
مسكين اليناطر دكة الباب...
وما يندك عليه بس يدك گلبه...
ما بية بعد اصبر بالغياب ...
تره الأيام صارت حيل صعبه...
مو كلمن يغيب نكول شو غاب ...
اكو غايب تحس بفراكه غربه
مايمجن أشد أحزام لاحيل ءء
اوطاكه مابكت بالكلب لاحيل ءء
عكب الاربعين العمر لاحيل ءء
هرم وتفاقت اطروش المنيه ءء
أبو فاضل الوائلي
الوكت بعيون صلفه... شوبحالي
والف سر للعواذل ..... شوبحالي
لعب من دون ربعي.... شوبحالي
الوراي ايزامط ويلحگ عليه
يبس زرعي بجفه احبابي كلمحل
وسكن فرگاهم ابروحي كلم حل
بفرج يل باري ماتفزع كلمحل
بصر وترجع الگطعوش،بيه
سجاجين الوكت بكفاي .قاطين
وكلبي على الوساده عليج .قاطين
هلج طلبو عليه ابويت . قاطين
ونا قاط العرس ما صح اليه
لوه بتوت الگلب هجرك وتلها
بغيابك روحي ماتسله وتلها
وحگ زينب وصيحتها وتلها
اتم برجاك لاخر نفس بيه
عنيت وبس عليك الجدم يعني
ولاغيرك الي بالناس يعني
اكله اشكد تحبني ؟ يگول يعني !
شنو اليعني منو يفسرهــه ليه
..
