اعجبك بلغزل ومسامر اليل منشور
وطربك لو ردت تسمع مواويلي
حتى الورد يصفن من احاجي
وطيور الحب تسولفلي وتغنيلي
انه مسامر اليل وعاشك النجمات
واذا اغفه الكمر هو اليلوليلي
اسولفلك شعر وياك بس ميفيد
شيفيدك بعد متكلي احجيلي
كتلك ياغلاتي ويابعد عيناي
ياعمري وحياتي ويابعد حيلي
ضل انت بغرورك وانا اضل اهواك
حد ما الله كلبك الي يهديلي
ادوخن من أظل وحدي بلاياك
مصايب كلبي ماتنحل بلاياك
شلي بدنياي ياروحي بلاياك
الموت أهون ولاغيابك عليه
لوين العت يحبل الصبر .. شي ذاب
وحس بالحيل بعضه انهدم .. شي ذاب
عليه اتكاتبوا شي نفي .. شي ذاب
اخوتي و لا رحم بيهم عليه
ليالي اجفاك تدري... مردني
تعال بحلم مره.....مردني
لجهالك مره ابعد .....مردني
يهل غفله مشيت شلون بيه
الخفت منه يشــوفه .. وكتشافه
وجرحي بلمسه منك .. وكتشافه
عجــز يمك نيـــوتن .. وكتشافه
خفيف وبيك كل الجــاذبيه
اكابر والنوايب صبر ......يردان
ومن دموعي ظمايه البيد.... يردان
شكثر بيجن مسحت ادموع...... يردان
على الشالو غفل وكطعو بيه
وبـــــره
بـــري مـنـك اليــوم الــدين وبـــره
او وره شخصك ولا أحـتاج وبـــره
لجــروحـك مــايـفـيد خياط وبــــره
جــوي بعـطاب وطـبكهـن ســويـه
من سهلهه. .... اون للبل هنادس من سهلهه. وحرت مندل الوعره من سهلهه.
الموده انه يصاحب من سهلهه. لمن يمسه المثل ينضرب بيه
إلك ابيض وساس الطيب ....مرباي
وعلامك ياترف شحيت ....مرباي
عسل لكن غيابك صعب.....مرباي
عشكتك مو لعب لو طيش بيه
ب.ق. بدر البدر
أمس من طاح محد كام عانه
شخصي وبغيابه شكثر عانه
تبينلي فلا يسواش عانه
صديج الما نفع بالضيج أخيه
.
