انت الاحلى بمروركالمشاركة الأصلية كتبت بواسطة العراقيـة العبيـديـة
انت الاحلى بمرورك
شلع كلبي بلادي ..... من هويته
وخنكني ابضيم واشتم .. من هويته
العراقي الصح تعرفــــــه ... من هويته
صوره ومنختم غيره وحميـــة
وحك الله ونبي الرحمه وعلينه
بحبك للسمه اوصلنه وعلينه
يديمك ياعراق النه وعلينه
تضل خيمه بحق حامي الحميه
ازعل ياوطن وارجع واراضيك
واحن ابغـربتي الناسك واراضيك
تفرج ما تظل طبعاً وارى ضِـيك
وترجع من صدگ بغداد اليه
دهري اوياي مرمرني وسني
شاب انه اوخلص عمري وسني
احب الشيعي ياخوتي وسني
لان اثنينهم خوان اليه
جروح الوطن بالروح - تربه
وكحل للعين يامهيوب - تربه
سجادة الارض وجبالة - تربه
ودم جدي الحسيــــــــــــــــــــ ــــــــــن طهور لية
صدور حيود للچيلات .. مرگص
من عضاك خنجر غدر .. مُر گَص
اذا محتاج گلبي هاك .. مر گِص
عراگ انت بوريدي للمنية
النخوة علمتني بصغر سني
انه الجف الغريب سيوف سني
عراقي مو مهم شيعي وسني
شلون اذبح عراقي عله الهوية
روحي من مرار الضيم هامات
ها عدل صاحو علي ها مات
ابد منذل ونطخ بيوم هامات
رضعنا الزود من در عراقيه
منو اليغدر باهله اليوم - من سام
منو البايع الدين برخص - من سام
اذا من حام آنه وانته - من سام
هم بآدم نرد كلمن خوية
كل سنه بهذااليوم يمنه تسيرون.
بعده الوطن ماطاب خافن تنشدون .
صرتوا بدربنه أشموع بالظلمه تضوون .
وعلمتوا كلهه الناس طبع الوفه شلون