الوحده !!
يسعد مساؤكم درر وعيد سعيد عليكم ...
اليوم قررت احجي عن اسوأ الامور اللي صارتلي بحياتي وما زلت اعيش بتبعاتهه حتى اللحظه ..
عشت حياتي من ايام المدرسه الى الكليه واني اؤمن بشغله ومتمسك بيهه بشده وهي انو كل اللي احتاجه بهالدنيا هو نفسي فقط ولا علاقه لي بالناس يعني بأختصار حتى صداقاتي تكون مجرد شيء وقتي لا اكثر تنتهي بانتهاء المرحله اللي عشت بيهه وياهم .. اكيد هالقناعه ما ترسخت عدي من عدم وانما لان انخذلت بهواي مواقف بهالدنيا لهذا اتخذت من الوحده صاحبي الوحيد وكان صراحه نعم الصاحب لكن ما جان كافي حتى يوخر الهم ولا جان كافي حتى يريحك من تختنك وتعصرك الدنيا وانما يتعاون وياهه عليك وهاي سلبيته الرئيسيه ... عموما طولت بالحجي يمكن ..
اللي احب اكوله اجمل ما في هذه الحياه هو وجود شخص بقربك تكدر تعده مثل اخوك او حتى اكثر تكدر تشكيله همك وانت مرتاح .. تكدر تنزل دمعه يمه من غير ما تحسب الهه الف حساب .. تكدر تكون بابسط عباره مثل الطفل يمه اذا لكيتوا مثل هيج شخص رح تصير الحياه من اجمل ما يكون ...
لهذا عن نفسي بعد ان كنت من اشد المؤيدين لمصاحبه الوحده اكول ابتعدوا عنها قدر المستطاع لان ببدايه الامر رح تحسسكم بالراحه بس من تضيك بيكم الدنيا رح تكون اول شخص يطعنكم بالظهر ...
من الاقتباسات اللي عجبتني بوحده من الروايات ..(ان اكثر ما اخشاه ان اصبح في هذه الحياه وحيدا منفردا .. لا اجد في هذه القلوب الخافقه حولي قلبا يحزن لحزني .. ولا بين هذه العيون الناظره اللي عينا تبكي لبكائي *اتوقع يلخص كل الحجي الفوك وهذا صار نفسه لسان حالي
رد مع اقتباس
المشاركة الأصلية كتبت بواسطة دانيالღ
