<span style="font-family: decotype naskh swashes"><font color="#4B0082"><font size="4"><strong>
قارنتك علي ويه اليحكمون
ولكيتك ياعلي مفرط بالاحكام
شني تحكم الدنية وعرشك بساط
وشني بجامع مقر القائد العام
وشني عود اليتيم يكضلك الباب
اليتيم يروح يسكن دار الايتام
جا معادهه ولاكضلك الباب
كون بصدره قنبر ساحب اقسام
كلش يصير مدري يفخخ البيت
تحت مهرك يجوز يحطلك الغام
علي شعليك اذا بالشام جوعان
دشبع حزبك ونعلة ابو الشام
تكضي الليل تفتر وانت مسوول
السياسي الزين كون المغرب ينام
بين الناس تخطب لايبو حسين
علي المفروض تخطب من ورة الجام
كثر نوك واطلع موكب وياك
وانشر ع الدرب رماية سهام
ناكة مضلله وتركبها ابو حسين
وعمار ابن ياسر كعدة جدام
وخل مالك الاشتر كبلك يفوت
يكطع سير كون الشارع العام
عقيل شراد منك حتى تجويه
اخيك هاذ ضمه لضهرك احزام
كبل ماكو دمج وتدمجه مولاي
علي سجله سياسي بهدم الاصنام
شعجب ولدك علي ماطلعو ايفاد
ددزهم ع البحر يكضولهم عام
دبرلهم عذر خلهم يصيفون
بحجة مشو دوره بنشر الاسلام
علي تنطي الخبز تتلثم شبيك
جاما كشفت وجهك للاعلام
جا ماصار بينه الصار مولاي
وضل ياهو اليجي وكال اني ابو لثام
رد مع اقتباس
