..
شربتك شوف حد مابينت بيه
وبديت عله جمره حيرتك نيه
وخميت اللسن ع الحجي المامگيول
ذبلن بس ماجزت سولفتك اميه
من اسكت لاتضن يخوني التعبير
استحي اتلگه ضواك بكلمه محجيه
وخاطر لاتحس بعمرك المنثور
لميته ونسيت سنيني مجفيه
فضل جيتك لجن صاحب فضل متصير
من تمشي بدرب مرسوم للجيه
سافر وين ماعد الله كاع وناس
تلكه متاع اليحبون حنيه
رابي وي المري واحجي التشوفه العين
بس طبعك اعكسه بعين معميه
يمشيه ماي وادري الماي مايندار
التهه بدربه ومشه وبحن شواطيه
خنگني الضن ردت تفزعلي نسمه راي
شيسكت الغبشه اذا تنصاد فختيه
على ياساس تاخذ غيبه النسمات
بيش تعيش اذا زعلن عله الريه
دربك مو الي شوازاني وتحفيت
ما ادري الشمس تغفه عله رجليه
وانه ذاك القره بعينك حمار وداع
فطن والصدمه باگت كل معانيه
مثل التانت بثوب العرس تنشاف
وگبل يوم العرس تنوخذ فصليه
تيهتك واحس مستثكلتني الكاع
وسد اذنه الكمر من فزعت ضيه
تبدت هيبتي وفرع ضواي بليل
ولكيت السولفني يسولفن بيه
عله حسنك جان يكشخ مشتهاي بعيب
زلمه وشلت يمك مستحه بنيه
من تسگي العقل حسبات تحصد شيب
الدنيه تطول من تحسهه مكضيه
احن والما اشوفه بحلمي كاعد جان
انسكن بدموعي من ذبلن طواريه
بريسم وبهله من اتلكه طاري الصوف
وعلى جتاف الوكت مشيول خاجيه
خيرت الجدم لو اموت لو ما اطيح
كلهه ولا احس مشيول منيه
...
..
.
محمد وجيه
رد مع اقتباس
المشاركة الأصلية كتبت بواسطة مزاجية وكذا
