هنا

[Hani Yaqoub]

الغش منتشر جانت وما جنت يوسف الي يقدونه من دبرا وما يسوي شي
لا فهمت بالغش بس يعني اباوع للطلاب وليس براشيم
لكن جنت عجوزي لدرجه حتى الغش جنت اغش من وره خشمي وما غشيت من احد حتى اجيب درجه عاليه ولا غشيت سؤال كامل
بس جان للغش متعه حقيقه ان تنظر لدفتر صديقك يا الله على جمال هل الاثم
بس النظر بدفاتر الطلاب ما يعتبر غش مجرد استدراك لبعض النقاط وهل انت ماشي صح لو لا
اما الطلاب الي غشو صدك جانو اكسلنا يعني ما يستحقون حتى ينجحون من الروضه
بعضهم جاب هندسه والبعض علوم واجفصهم تربيه

[Hani Yaqoub]

بالحقيقة السادس اسوء اختراع سوته البشريه اذا جان هل الشي على المستوى العالم
الدليل
الطلاب الكساله الي غشو ودخلو هندسه وعلوم ولا واحد بيهم رسب سنه كدرو ينجحون بذراعهم حتى وان غشو بعض الامتحانات بس الهندسه متكدر تنجح بس بالغش تحتاج اكثر
كذلك بعض الطلاب الاذكياء ويانا دخلو هندسه رسبو سنه وسنتين وبعضهم اكثر واحد منهم صديقي سحلته الهندسه سحل واهو جان ذكي بالسادس
فانا انصح الطلاب اذا توفرت الك الفرصه تغش بس بدون ما تنمسك غش

[زهر الربى]

هههههههههه احسن نصيحه..مره غشيت كنت مضطره ..كنت بالجامعه..وكان عندي لعبه بالنادي وماعندي وقت ادرس ..فكانت بطريقة القصاصات..وكنت لابسه حذاء رياضي ..الماده كولها صارت بالحذاء طبعا احلى تجربه ..بس متكررت

[Hani Yaqoub]

من خلصت امتحانات السادس ودخلت معهد النفط كان المعهد اول مره بحياته تجي معادلات عاليه هيج
وكله متلهفه للتعين بوقتنا اعلى طالب كان مقدم معدله 94 بس انسحب
اما بالقاعه مالتنا اقل معدل كان 79. كسور واعلى معدل 89 وجنه ميكانيك يعني قسم غير مرغوب المعدلات الاعلى كانت بقسم الانتاج والسيطره والقياس
وبالنتيجه هل الشي خله الاساتذه يتعاملون ويانا بطريقه مختلفه يعني شددو الدروس وصارت اكثر جديه مع تغير بالمناهج
حتى يتفاخرون بالطلاب طبعا هيج معدلات جانت تؤهل تدخل حتى هندسه في بعض المحافظات
وصدك صداكو دكت طبول الحرب وعلى وطيس السج حتى كادت ان تتخطفهم الطير
وطلعو معدلات جدا جدا عاليه بعضهم حتى 98 وهذا معدل جدا عالي مال سنتنين
سن سيفه الدهر بحشاي سنتين
اخبرك بالرصيد بقى سنتين
اقدم ابوذيه نرسلت بالصرور

[Hani Yaqoub]

هههههههههه احسن نصيحه..مره غشيت كنت مضطره ..كنت بالجامعه..وكان عندي لعبه وماعندي وقت ادرس ..فكانت بطريقة القصاصات..وكنت لابسه حذاء رياضي ..الماده كولها صارت بالحذاء طبعا احلى تجربه ..بس متكررت

عاشت ايدج هههههه
مدام ما نمسكتي تستحقين المديح
طبعا اخذتي تقيم مني على هل التجربه الموفقه

[زهر الربى]

ههههههههههههه هسه من اراقب بامتحان.. اللي يرفع عينه من الدفتر يبتلي ع عمره ..ماارحمهم

[Hani Yaqoub]

بالمعهد اجت فكره ابالي هل انا اكدر انجح بدون غش او لا
وسبب هل الفكره هو دخلت انا وصديقي الصدوق دورات حوزويه ( يمكن يوم احجي عنه وشلون جنت استفاد من التحشيش حتى ما نسى )
فجان الشيخ من يمتحن ما يبقى يمك ويخلي الكتاب مفتوح ويكلك اذا تريد تنقل انقل بس الافضل ما تنقل لان انت بجامع وهل الدراسه للفائده مو اكثر
بالحقيقه هل الشي اثر بيه بالفعل ما نقلت
بعده قررت ما انقل بالمعهد واشوف شنو من تقيم اطلع
بس غباء هل القرار لازم يصاحبه وعد ان تقرا صدك صداكو صدكن
السنه الاولى كضيته بدون قرايه طلع تقيمي مقبول عالي او متوسط مسحول
والسبب جنت ماخذ بالعملي درجات عاليه وبمادة الاختصاص كذلك لان احبه
اما المواد الثانويه جانت زفتيشن بالنتيجه صار هيج معدل للسنه الاولى
بالسنه الثانيه كالو ماكو تعين للي معدله جوه 75
هنا صارت السالفه مخطره
انا بعد ما ضحيت بجميلات الجامعات واجيت معهد بدون بنات وانا بعز مراهقتي ما اتعين يا للهول
فبديت اسج
صح السج مالتي ما وصل 50 بالميه من سج الطلاب
بس درجاتي بدت تطفر لل80 بعد ان كانت مجرد نجاح
بعده كالو لا يابه ما كو تعين للي معدله جوه 80
انا بعد ان كنت ماخذ راحتي وتعبت نفسي بالسج ما اتعين يا للهول
فبديت اسج بمقدار 80 بالميه من السجاجه
هنا درجاتي طفرت لل90 وبعضها قاب قوسين او ادنى من 100 وبما ان الوحدات مالت العملي ومادة الاختصاص عليه تقيمات مضاعفه
فهتميت بيهن اكثر
وطلعت من المعهد بمعدل جيد جدا يعني حصلت معدل التعين
طبعا لو ما السنه الاولى جان ضعيف جا صرت جيد جدا عالي

تالي كلنا تعينا طلعت كلاوات سالفة المعدل

[Hani Yaqoub]

ههههههههههههه هسه من اراقب بامتحان.. اللي يرفع عينه من الدفتر يبتلي ع عمره ..ماارحمهم

هذا التصرف صحيح طبعا
لان واجبج انت ان تراقبيهم والمفروض تبذلين كل جهدج
اما السبع بيهم خل يغش واذا كدر يغش فهذا يستحق
مع اني اجد من الحرام اذا جانت الماده مو اساسيه ومستقبله للنسيان ان تجي اسئله صعبه او ان يكون تشديد بالمراقبه
وحده من جامعات بغداد يتبعون هل النظام
ما اذكره لغاية في نفس ابوي

[Hani Yaqoub]

مثل هسه من تزداد صعوبة المواد يزداد نشاطي الفكري بيه
وبالنتيجه يتوفر عندي وقت هوااااااي ونشاط عقلي عالي
وبالتالي احتار شنو اسوي بهل الوقت
بالسادس هيج جنت بس جان النتماكو لا لا اكو بس ما عندي فلوس اشترك لا لا لحظه اصيغه عدل
مجان عندي لابتوب وموبايلات عاويه فما عدنا نت
فاستغلت الوقت الزايد للمحاضرات وقراءة الكتب الخارجيه
المحاضرات جنت باليوم احضر بالحسينيات والجواب كمعدل 3 محاضرات وجنت اركز عليهن واسجل واروح ابحث بالنت عن الي يحجونه
صحيح لو لا وبالنتيجه وصلت هواي منهم يوقعون باخطاء جنت اتفاخر انت وجدته
جان باب التفاخر مفتوح للمراهقين مثل مثل ما باب الاجتهاد مفتوح
اما الكتب الخارجيه مجان عندي فلوس اشتري كتب والفلوس الي ينطيه الي ابوي جانت على البطن ويا محلاها
فجنت احمل كتب من النت بالموبايل
وتعلمت احول الكتاب على ملاحظات txt واعدل صيغته حتى يقراها الموبايل واظل اقرا
قريت هواااااااااي قريت حتى كتب علم الرجال الي ما بيه اي فائده الي
ومن اجمل الكتب الي قريته كتاب ابو هريرة جزئين جان او اكثر مجاي اذكر
الكتاب تحفه
بيه احاديث تموت ضحك او بالاحرى تؤدي الى عمل يبطل الوضوء من الضحك

[Hani Yaqoub]

بعض مما قراته بكتاب ابو هريرة
عن فلان عن فلان عنه عن رسول الله قال والحديث هنا مضمون وليس نصا
والثقه التي بيننا قال
ليش عزرائيل ظل يجي مخفي مو ظاهر
لان هو جان يجي ظاهر بس مره اجه لموسى قال اله اجب ربك
هنا موسى غلس او عاند
فكله اجب ربك فهم غلس او عاند
بالمره الثالثه يكلك موسى كله وطاحله دك بوكسات ورم عيونه
فصعد لله يشكو اله ما فعل موسى لان موسى جان شجاع فوقته الله قال اله اي موسى شجاع وكذا
فمنه ظل يبعثه مخفي

الرواية الثنيه
عن عن ديد قال
الحجر الي نقسم 12 قسم علمودي حواري موسى وحتى كل طائفه تجي تشرب شنو قصته
موسى جان يسبح بالشط فنزع كل ملابسه
وبين الاكو والماكو
وخله ملابسه على هل الحجر
فيكلك هل الحجر هرب بملابسه ولحكه موس وعصب علييه وضربه ونفلق الى كل اناس علم مشربهم