اصل وتفسير كلمة (الكليجة)
يقال ..
ان اصل كلمة كليجه جاي من قصة زوجه فقيره متزوجه من واحد ( بخيل ) ..
فهاي الزوجه جابت امها العجوز لبيتهه حتى تداريهه ..
رجلها ( عينه ضيكه ) ويباوع على ام زوجته شتاكل وشتشرب ..
الامايه العجوز خطيه كالت لبنتها ( يمه بعد ما آكل كدام رجلج لان هذا يطلع اللكمه سم عليه ) ..
وبما انه الزوجه تدري برجلها شكــد ( بخيل ) كامت تصب أكل لأمها من يطلــــع رجلهــا من البيت ..
, فد يوم الزوج ابو ( نفس الدنيه ) اكل الغده كله وطلع
.. فالزوجه خطيه ما ظل عدها غير بس طحين وتمر .. عجنت الطحين وحشته بالتمر وشوته بالتنور وقدمته لامها .. شويـــــــه وجان يجي رجلهه .. ركضت الزوجه على امها وكامت تصيح يمه( اكولي اجـــه - اكولي اجــــه ) يعنــــــي يمه اكلي بسرعــــه لان ( الشفيه ) اجه ..
ثاني يوم ( وصادف العصر ) امهه كالتلهه يمه ماتسوينه من هاي ال ( كولي جه ) .. ويوم وره يوم حبيبي.. ومن واحد لواحد ( كولي جه - كولي جه ) .. ومشت كليجه !!! وشويه شويه تطورت وصارت ب(القم والوز والسمسم والفستق والب غراش)
الرواية سندها قوي ومنقوله عن ثقات
بدون يمين
اهم شي الثقة
رد مع اقتباس
المشاركة الأصلية كتبت بواسطة العراقيـة العبيـديـة
