عدكم معلومه ابوي متوفي .. قبل فترة عمي جابلي دشداشة وعگال كلي البسهن وتعال وياية لعمامك عود چبير وكذا
المهم بدلت ولبست الدشداشة والعگال وچان افوت اسلم عادي ورا شوية جابوا الغده من دا اكل چان ادنك ويوگع العگال بالمرگة الله وكيلكم عمي طلع السفن من اذانه من الضحك واني من يومها بعد ملبست عگال وكل ما اتذكر الموقف اشغل المبردة واوكف كدامها واتفل علمود ترجع عليه
بنيه صغيرة تسئل ابوها: شلون بدأ الخلق....؟
جاوبها: الله خلق ادم وحواء تزوجو وجاوبو أولاد وبنات وبدت قصة الخلق.
راحت تسئل امها نفس السؤال
ردت عليها: الإنسان اصله قرد تطور وصار يشبه
الإنسان ..
رجعة لابوها وكالتله بابا ليش تعلمني غلط؟
امي دكول الإنسان اصله قرد
كال: حبيبتي اني احجيلج عن اهلي ،
اهل امج مالنا شغل بيهم
واحدة تمشي بالسوق
قال لها واحد
حواجبك كبار ياعسل
قالت له
اعطيك شوي لشواربك عشان تصير رجال
هذي ما قصفت الجبهة ^_^
هذي طيرت جبته مع القليل من الحواجب
اتصلت بنية بامها شاكية باكية
"ماما تعاركت اني وزوجي"
گالت الام :" عادي كل الازواج يتعاركون "
.
.
ردت البنية :"زين هسا شأسوي بجثته ؟"
اكو وحدة زوجها ميغار عليها ابد
گالتلة اكو شباب تحارشو بية بنص الزدحام
واحد حط رقمة بالچنطة
گال عادي مو انتي گلتي بالزدحام كلشي يصير بالزدحام
ضاجت كلش وطكت روحها وراحت لجارها ابو محمد تشكيلة
گاللها ابو محمد زوجج ماراح يغار عليج الا اذا شاف رجل غريب بالبيت
كالتلة ماكو الا انت تساعدني وضمت ابو محمد بكنتور ملابسها لما رجع زوجها گالت له روح اشتريلي فساتين
گلها الكنتور مليان فساتين
گالت روح افتح الكنتور وشوف
راح فتح الكنتور وگال
هذا فستان
وهذا فستان
وهذا فستان
وهذافستان
وخر شوية ابو محمد
وهذا فستان
وهذا فستان
اكو واحد زوجته زعلانه يسولف يگول: يوم من الأيام مرتي زعلت عليه ولمّت چوالاتهه وراحت لأهلهه وظليت بالبيت وحّدي وطگني الجوع يگول رحت للثلاجة لگيت بيها بتيتة وروبه يگول عود صرت نادر وگلت : خلّي اسويلي أكله من أكلات الانترنيت كتبت بحجّي گوگل بطاطا ولبن . يگول طلّعلي اكثر من ٢٠ وصفة واختاريت وحدة لا على التعيين وگمت اتّبع التعليمات وحدة وحدة ومشى الشغل وآنه بواهسي بس بعدين بديت احس بالوصفة خربت بس استمرّيت وگلت لازم اكمّل رغم المعوقات ووصلت للفقرات الاخيرة بالتعليمات والطبخة صارت چنها صبخه بس الكبرياء ما خلاني اذبها وقررت آكلها وقبل ما احط اول لگمة بحلگي لگيت مكتوب بنهاية التعليمات : ( والآن عزيزتي لديكِ أفضل خلطة للبشرة الدهنيّة امسحيها على وجهكِ وازيليها بماء الورد وستحصلين على بشرة رائعة ) يگول ظليت صافن وبيدي خبزتي مدري ادهن جهرتي مدري ادهن معدتي
هاي توجــع
واحد محكوم بالاعدام صعدوه حبل
المشنقه كام يصيح
واحد كال نزلوه خاف عنده
وصيه
نزلوه كالوله شبيك تصيح
كاللهم خنكتوني ردت اموت
زوجة اشترت رقم تليفون جديد… !!
ورادت تسوي مفاجأه لزوجها… !!
راحت ودخلت بالمطبخ واتصلت بزوجها وگالتله ( الو… شلونك حبيبي.. )
گالها خابريني بعدين...!!
الهايشه بالمطبخ هسه.. !!
هههههههههه
نكته فقهيه
متى يجوز الإنتحار شرعاً؟
رجل يريد أن ينتحر رآه حكيم قاله: لماذا تنتحر؟!
قال: عندي مشكلة عائلية معقدة!!
قال الحكيم: مافيه مشكلة إلا ولها حل، وما مشكلتك؟
قال: تزوجت واحدة أرملة ولها بنت, فلما رآها أبي أحب أن يتزوج ببنت زوجتي الأرملة! صار أبي زوج بنتي وصرت أنا عم أبي!
ولما ولدت زوجتي صار الولد حفيد أبي!
وبما أن ولدي هو أخ زوجة أبي التي هي خالتي صار ولدي خالي!
ولما ولدت زوجة أبي صار ولدها أخي من أبي وفي نفس الوقت حفيدي لأنه حفيد زوجتي من بنتها، وبما أن زوجتي صارت جدة أخي فهي بالتالي جدتي وأنا حفيدها! وبهذا أصير زوج جدتي وحفيدها لأنها جدة أخي, فأنا أصير جد أخي وبنفس الوقت أصير جد نفسي وحفيد نفسي!!!
قال الحكيم: توكل على الله وانتحر, الله ياخذك وياخذ ابوك و ابو اللي يسألك مرة ثانية...
