يا مؤذن لا اتحارش بالفقير ..
لا تگله امساك اصلاً ما فطر ..
اشرب الماء هنيئاً لا تصيح ..
يا هنيئاً؟؟ هوه حته الريج من عنده انفطر ..
اشرب الماء وعجل من تصيح ..
يذكر ايام الشته وجور المطر ..
بعمره ما ضايگ طعام الاغنياء ..
هوه بس متذوق ابيات وصور ..
بطگة المدفع يطگ أمن الونين ..
يفيض دمعه أتگول حسبالك بحر ..
گاعد بوكت الفطور اگباله جوع ..
وجاره بطنه انترست وگلبه حجر ..
يرفع ايده وتنفتح بوب السماء ..
ويدعي ربه بحرگة يبچيله بقهر ..
ربي صايم مو عباده اچذب عليك ..
صايم أمن الماكو يا رب البشر ..
ربي ما ابتلت عروگي اعروگي نار ..
اعروگي صحره وما يمر بيهه النهر ..
ثابت اجر الصام لجلك بالنهار ..
زين والصام الفجر حد الفجر؟؟ ..
شقنع اطفالي يربي وشرد اگول ..
ربي گص من اجري وانطيهم اجر ..