انفاسَك زفرة فى زفرة
ترنيمةَ شوقَك وحُبَك
لمتين تعانِد قلبَك
لمتين تغالِب حُبَك
ليه بتكابر تنسى
احساسك ودقات قلبَك
خلى الاحساس يتدفق
لى كل كيانَك يَغرِق
نفحات الريد روح عِطرك
وعبير يرشح من وردَِك
الناير يوشح خدَك
اشعاع الريد يتهادى
فى عيونَك هاتا ونادا
مهما حاولتَ تَخبى
يظهر بى كل ارادة
يتوسد روحنا وسادة
وعشان نرضيك ما تزعل
بنطوِل بالنا عليك زيادة
ما زيك احنا واكتر
ريدَك لى قلبنا بتّل
والشوق نيران تتاجج
تحرق لى فؤادنا وتشعِل
ياريت تروينا بحِنك
وعلينا تجود بى وصلك
ترعانا زهور فى روضك
شذاها حنانك وحبك
بقلمى / ود امدر
رد مع اقتباس
المشاركة الأصلية كتبت بواسطة عدنان الواثق
