قصيدة عالقاع قرآن اداء :الحاج باسم الكربلائي
كلمات :السيد عبد الخالق المحنه
ذكرى استشهاد موسى ابن جعفر(عليه السلام)
2017- 1438 هـ
عالقاع قرآن محبوس *** مفروض ينشال عالروس
جثمان معصوم معقول ينشال
بحقاد عدوان وچفوف حمال
من شاف مسموم مگيود بغلال
والله ما صار يا ناس هالحال
لتگول ماجوه اعزاز *** موجود عباس جناز
رفعوه اقمار وشموس
عالقاع قرآن محبوس *** مفروض ينشال عالروس
قرآن مسجون وبليس سجان
شنگول والناس عباد اوثان
من حول الدين ملفوف ثعبان
واختار تسليم لو موت فرسان
هيهات تنهان اشراف *** وتخاف من عين سياف
بغداد برهان ملموس
عالقاع قرآن محبوس *** مفروض ينشال عالروس
حيطان اموات والباب مسدود
اشرار احرار والخير مگيود
عالگاع اشباح وانسان مفگود
هاليوم ياسيف يا ثار مريود
هاليوم محتاج اثنين *** سيفين عباس و حسين
ينطون هارون ادروس
عالقاع قرآن محبوس *** مفروض ينشال عالروس
قربان للبيت محروگه ابيوت
مرسول مچتول بيدين طاغوت
مينام النور بحضان تابوت
والعاش مظلوم سلطان يموت
مامات من عاش دستور *** كل يوم مذكور مشكور
واحرار لترابه اتبوس
عالقاع قرآن محبوس *** مفروض ينشال عالروس
افكار وعقول واحلام مجنون
غابات وذياب متريد قانون
والناس عميان وتشوف هارون
واحباب الله مذبوح مسجون
شيفيد تنكيل وعتاب *** واليوم مقلوع يا باب
معتوه عالباب ايدوس
عالقاع قرآن محبوس *** مفروض ينشال عالروس
محجوب يا ثار والسيف محجوب
اهات واعتاب بدموع مكتوب
يا ثار الله وتغيب چم دوب
ما بين مسموم مذبوح مسلوب
يا يوم ونشوف اعلام *** زعلان وتروح للشام
دعواي مولاي محروس
عالقاع قرآن محبوس *** مفروض ينشال عالروس
دعواي كل يوم لغياب ميطول
ونصير حشدين وياك ونصول
ونشوف عالماي رواي مچتول
عباس لو شاف رايات شيگول
عباس لو شاف حشدين *** ايگول محتاج چفين
ويعود عالقوم كابوس
عالقاع قرآن محبوس *** مفروض ينشال عالروس
للتحميل بصيغة mp3
من هناا
رد مع اقتباس
المشاركة الأصلية كتبت بواسطة أمجد الاسدي
