مشتهيك اتمر على طيوفي تعال
ومشتهيك بوركة اشجاري نـــــده
ومشتهيك اتغازل عيوني بــــدلال
اتخيط اجروح الفـــــــراك امسرده
ومشتهيك اتجادل احروف الكــلام
معارك ويـــه الشوك طيره مغرده
ومشتهيك الليل كلـــــه بس تعال
امفتحه الذرعان مــاهي امسدده
ومشتهيك اطـروش للفاكد حبيب
اتهدي روحي ويـه الكلب واتبرده
ومشتهيك ادكابـل عيوني وتنــام
وحتى الولي اعليك مثل الوالـده
ومشتهيك بصبحي سالوفة حنان
اسوالف امحبين بيـــــــــك امورده
مشتهيك اتنام تغفه على الضلوع
ومن تفز ايدي على شعرك شارده
بس الف يا حيف صرت انتـــه خيال
اتندمت من كتله روحي الكم فده
ومــــــاجنت حاسب تبيع بكل مزاد
ثاري روحك عالغــــــــــــدر متعوده
رد مع اقتباس
