الموضوع ما بيه شكليات معينة ولا شروط مسبقة عن كيفية الكتابة ( اتبعي طريقة القصص العادية في سرد الموضوع بكل تفاصيلة) مسبوقة بعبارة معالي السيد وزير الــ..... المحترم , وتختمين الموضوع بالاسم والموقع الوظيفي والعنوان الوظيفي , وحتى تضمنين نتائج الرد الايجابي وينال كل ذي حق حقه ويجازى كل مسيء ومستغل منصب جزائه, انصح ترسلين نسخة من الشكوى الى الجهات الاتية : -
- مكتب المفتش العام في الوزارة.
- هيئة النزاهة - الشكاوي.
- مكتب الوزير - المتابعة.
السلام عليكم اختي متزوجه وقبل شهر رجلهه طردهه بتحريض من امه وابوه وهوه راد يتزوج غيرهه فكر يطردهه حته يكدر يتزوج وهسه ميقبل يطلك ايكول انتي ترفعين دعوه حته متاخذ حقوقهه واختي تريد تكمل دراسه ميخلوهه ايكولون نوكفلج اباب المدرسه ونكتلج يعني خلاهه معلكه شنو الحل اتريد حقهه واسفه عله الاطاله
هذا اسلوب خسيس جداً ومودة الطلاقات بهل وقت
اطردها وانتي اطلبي الطلاق حتى ما تاخذين الحقوق!
اختي العزيزة
انتي ما ذاكرة تاريخ طردها , وما ذاكرة وضعها الاجتماعي عندها اطفال منة او حامل , وضعة الاجتماعي موظف كاسب ...
تكدر ويحقلها تقيم دعوى عليه اسمها( دعوة هجر) هجر الزوجية تطالبة بنفقة شهرية تحكم بيها المحكمة بشكل عاجل (ملاحظة يزيد مبلغها بتعدد الاطفال وبالحمل) , راح ينجبر يدفع شهريا نفقة (ولو كان موظف يكون اسهل الاستقطاع مباشر من دائرتة للمحكمة ) وتستلمين من المحكمة او دائرة التنفيذ القريبة عليكم .. بهل حالة هو راح يستسلم لان مبلغ النفقة ما راح يقل عن 300 الف شهريا
وانصح: حاولو تفهمومه عن طريق طرف ودي ثالث انه هذا قراركم اذا ما تراجع لانه احنة دائما نكول الحلول السلمية الاصلاحية العائلية تبقى هية الاصح لدوام استمرار الحياة الزوجية , يعني ما تقيمين دعوة الا بعد اليأس من الحلول السلمية لانه تذكري بعد المحاكم وتبليغات الشرطة لا صلح الا ما رحم ربي
مودتي
زين هيه ما عدهه جهال منه و يشتغل عماله بس ابوه راتبه مليون ونص بالشهر وهوه الكفله وعايش وياه وتاريخ طردهه قبل شهر ووضعهه الاجتماعي مو زين ويتيمه وحته راتب رعايه ما عدنه منتضرين القسام ولله
عيني هذا شتلزمون منة , حتى من يصدر قرار القاضي بالنفقة شتحجزون من املاكة ادوات بناء! لانه البيت ما ينحجز قانونا لكونه معد للسكن , وراتب ابوه ماله علاقة بالقضية عسى ما وزير , الخصم هو الزوج .المشاركة الأصلية كتبت بواسطة زمان الحسناوي وكفى
عيني ركزو على الجانب الودي , والسلمي , او خلصو نفسكم منة اذا انقطعت السبل والحلول لانه اذا هيج تعبان ماديا شنو الي خايفين تخسروه مثلا غرفة اخشاب !, هذه اثمان وضريبة سوء الاختيار , ونسال الله حسن العاقبة
للتنويه: بعد الطلاق وصدور القرار بالطلاق تكدر هية تقدم مباشرة الى دائرة رعاية المرأة وتقدم اوراقها الرسمية وقرار الطلاق وراح يضمنون الها راتب شهري ضمن فئة ( المطلقات)
رحم الله والديك تعبتك وياي
المحامي احمد التميمي المحترم
السلام عليكم
اود استشارتكم في موضوع مهم بالنسبة الي وارجو ان لا تبخلوا علي بنصائكم القانونية.
انا موظف في احد دوائر الدولة العراقية بشهادة دبلوم ولدي شهادة اخرى (ماجستير) غير مسجلة في دائرتي.... اود ان اقدم استقالة من دائرتي واتقدم للتعين في احدى وزارات الدولة (غير وزارتي) ولدي بعض الاستفسارات ارجو ان ترشدوني بها:
1- للاستقالة من وظيفتي اود ان انقطع عن الدوام لمدة اكثر من عشرة ايام لكي اعتبر مستقيلاً... فهل هناك فرق بين المستقيل بتقديمه طلب الى مرؤوسيه و المستقيل بسبب الانقطاع عن الدوام في هذا الموضوع؟
2- عند التقديم لوظيفة جديدة بعد الاستقالة هل واجب علي ان اخبرهم بوظيفتي السابقة؟ وهل اخبارهم بالوظيفة السابقة هو لغرض اضافة الخدمة القديمة لاغراض التقاعد؟ واذا كنت انا لا اريد تلك الخدمة القديمة اصلاً لا لاغراض التقاعد ولا غيرها فهل عدم اخباري للدائرة الجديدة بخدمتي السابقة يترتب عليه عقوبة قانونية؟
3- هل هناك مدة من الزمن يجب توفرها بين الاستقالة والتعيين الجديد؟
تحياتي لكم
وعليكم السلام
- ان تركت الوظيفة مدة زادت عن عشرة ايام بلا عذر فانك تعتبر في هذه الحالة (مقال) , وان قدمت طلب ووافقت الدائرة فأنت (مستقيل) , واليك احكامهما ... في الحالة الاولى ادائرة غير ملزمة بالاعتراف بخدماتك السابقة ولا يتم تزويدك بكتب تاييد الى جهات اخرى ما لم تقدم عذر مشروع , وفي الثانية عكس ذلك .. من جانب اخر يمكن احتساب خدماتك السابقة في حالة الاستقالة لاغراض التقاعد فقط والسبب: ان خدمتك في شهادة الدبلوم هي ليس امتداد للخدمة بموجب الماجستير , فبموجب الشهادة العليا انت تبدأ من الصفر لأغراض الترفيع والعلاوة.
- ان اخبرت الدائرة الجديدة بخدماتك السابقة فمن الممكن اضافتها لاغراض التقاعد فقط ( لكن ربما تشترط الدائرة الجديدة ان لا تكون سبق تعيينك في دائرة سابقا -وبالتالي تخسر الوظيفتين , يرجى التاكد)
- ان لم تخبر دائرتك الجديدة بالخدمة السابقة وطلبو منك عند التعيين ان تتعهد بان لا تكون لديك خدمة سابقة وتعهدت بذلك واكتشفو الامر , نعم تتعرض للعقوبة , اذ قد يتخلف شرط من شروط التعيين طلبته الدائرة.
- المدة الزمنية اللازمة بين الاستقالة والتعيين الجديد هو ان لا تكون في وقت واحد او في شهر واحد مرتبط بدائرتين وتتقاضى راتبين لكونك تعرض نفسك للاحالة للنزاهة , تأكد من صدور امر استقالتك ولا تنتظر راتب من الدائرة القديمة محل استحقاق ثم تقدم للجديدة.
بالتوفييق^^
رد مع اقتباس