قالوا عنى بريدِك
ودايب كمان
فى ريدِك
مع انى رغم البين
ما جبت سيرتك يوم
ولا يوم حكيت ب ريدِك
كيف يحكوا عنى وعنٍك
علي يقولوا بريدِك
يمكن يكون
من غير ظنون
لمحونى يوم
غرقان
بمجرى وريدِك
واستنشقونى عبير
يرشح ورد
فى خديدِك
قالوا قالوا كتير
فى روضى انتِ زهور
وريدتى ليكِ بحور
لو جابوا سيرتِك يوم
جبينى يسطع نور
ب كل فرح وسرور
قالوا عنى وعنك
هالكنى لُطفِك ودلِك
كاوينى تِيهك وصدِك
ما عليك من قول عزول
زيدى فى دلك كتير
وجورى زى ماتجورى جور
خلينى فى دنياك اسير
السحر فى اجمل عيون
واجمل قوام فى احلى لون
خبينى جوه العين دوام
النظرة تغنى عن الكلام
فيها اقرا البوح
وسر جمال الروح
فى الريد والهيام
الصمت اقوى سلاح
بيهو العزول ينزاح
من غلبو ديما يصيح
ممكون حزين وجريح
متل الحمام فى الدوح
بين الهديل والنوح
بقلمى/ ود امدر
رد مع اقتباس
المشاركة الأصلية كتبت بواسطة دانيالღ
