كتمتِ الريد
وفضحو الشوق
فى رعشة ايد
ونظرة عين
فى نور وجنات
وشروق نونات
فى ضباب البين
ياقسيم الريد
خلى الاحساس
الكاتمو سنين
ينطق ويجود
والبسمة الفيك
ترد الروح
للفرحة تعيد
يضوى الكون
يسطع بالنور
وكل بستان
ورياض وعيون
تزهر افراح
ورود وزهور
الشوق حراق
نيران تشعل
قلب المشتاق
اهات ودموع
وانين وحنين
يكوى الاعماق
كفاك دلال
انعم بوصال
خلى الامال
الزاهية جمال
زى نسمة ليل
مليانة عبير
فى احلى ربيع
نسيمو عليل
ونداهو بديع
زى قوس
فى كمان
يرسل الحان
تأثر وجدان
طال بيهو الشوق
لقليب رويان
من نبع حنان
يا زاهى اللون
يا احلى الناس
خدود وعيون
ما تبقَ ضنين
فى دلك زيد
ولى عهد الريد
خليك امين
طبعِك غلاب
فى دنيا الريد
عنيد وفريد
فى وهج الشوق
حنين ورصين
فاض بينا الشوق
آهات وانين
ياخليى القلب
خليك حنين
بقلمى : ود امدر
رد مع اقتباس
المشاركة الأصلية كتبت بواسطة شذى الربيع
