هنا

[ارجع يازمان]

ليش الشيعه ملتمين
كلها اتصيح ياستار!

والصوت اليجيب البين
يمكن طبروا الكرار!

جنها
الكوفه مجروحه
يامنبر
يذب روحه!

ودروب السلامه امنين!
ياهو
الينقل
الاخبار
كلها اتصيح ياستار

::::::

والصوت ابسمانه الصوت
جبريل الهتف بالناس

واصل لسمه التابوت
والطبره البقت بالراس

ياموت الخذاك الموت
هاي الحاله ماتنقاس!

ياصوم
احسب ايامك
جنك
عايف اصيامك!

ندري ابشهرك اتلاثين
شو
ما كمل
المشوار!
كلها اتصيح ياستار

::::::::::::::::::::::::::::::::::::

لا يتيتم الاسلام
بس اتغمض اعيونك

ياسيف الله ياضرغام
ما اصدك يطبرونك!

يمك دمعة الايتام
كلها اتسئلك اشلونك!

لو
تتبادل الاروح
جا
دمك ابد ماطاح

لكن وبقياس الدين
متكدر
عليك
اكدار
كلها اتصيح ياستار!

::::::::::::::::::::::::::::::::

ياحال الحسن وحسين
وزينب تكسر الخاطر

والدمعه التطك بالعين
جمره وتحرك الناظر!

باجر وادم امعيدين
واحنه الننصب الجادر!
ياعيد
ابتعد لتعود
راعي
البيت ما موجود

مامنك يبويه اثنين
وبكل
البشر
ماصار
كلها اتصيح ياستار!

::::::


ليش الشيعه ملتمين
كلها اتصيح ياستار!

والدمعه التطك بالعين
يمكن طبروا الكرار

جنها
الكوفه مجروحه
يامنبر
يذب روحه!

ودروب السلامه امنين!
ياهو
الينقل
الاخبار
كلها اتصيح ياستار
::
حسين االساعدي

[CaSpEr]

عظم الله لكم الأجر والثواب ان شاء الله

[ضياء المالكي]

أحسنت بارك الله بك

[زهہرة]

عظم الله لنا ولكم الاجر بمصاب امير المؤمنين عليه السلام
احسنت النشر

[زهره سقاها الحزن]

روووعه

[روجـيـنـا ♡]

عظم الله لكم الأجر

بوركت

[بﮩﺴﮩﻤﻪ ﺃﻤﮩﻞ]

روووعه

[ارجع يازمان]

عظم الله لكم الأجر والثواب ان شاء الله

اجوركم اعظم والسلام على امير االمؤمنين