من وین بدأت السالفة ؟؟ ...
ادوین هابل خلال مشاهداته یشوف بان المجرات گاعده تتبعد من عدنه و یستدل بان الکون گاعد یتوسع ... بس اشلون یتوسع ؟؟ و شنو الدلیل علی انو الکون یتسوع ... اجت فکرة المادة المظلمة و الطاقة المظلمة تساعد فکرة هابل و گدرت تثبت بان العالم یتوسع ... ومن خلال البحوث حول های القضیة اجت نظریة بیگ بنگ لو الانفجار الکبیر.... العلم وصل لهای النتیجة قبل 100 تقریبا ...
هسه نرجع قبل 1400 سنة ... اکو کتاب یگول ...سوره الذاریات آیه 47 : » وَالسَّمَاء بَنَيْنَاهَا بِأَيْدٍ وَإِنَّا لَمُوسِعُونَ ... لو های الآیة کانت مجرد جملة انا صراحة اعتبر قائلها ممیز عن الخلق بذاک الوقت ... ولابد ان احترم قائلها لمجرد های الجملة واحاول ادقق بکلماته کل هذا احتراما للعلم ....
الایة تگول ان السموات والارض کانتا رتقا ففتقناهما .... الارض جزء من السموات والمفروض ماتنذکر هنا ... طیب لیش صاحب الکتاب یذکرها ؟؟... نراجع قواعد العربیة حتی نوصل للحل... من خلال بحثنه بقواعد العربیة نعرف بان ... العرب یذکرون الجزء من بعد الکل لأهمیة ما ... مثلا فی سورة الرحمن... وفاکهة ونخل ورمان بما انو الرمان من جزء الفواکه ایضا لکن یذکره لان الرمان بی فائدة خاصة للناس ...
بزمان اللی نزلت الایة ... الناس کانت تعتقد ان الارض مستقلة من السماء بکل امورها ولهذا القران یقول وهو الذی فی السماء اله و فی الارض اله ..حتی یتثبت بان الارض مو مستقلة و نفس امور السماء علی الارض هم تنطبق ... ولأن یرید یخبرهم بان هذا الحدث العظیم حصل للارض هم ذکر الارض من بعد السموات ...
السماء .... من العجائب اللی لحد هسه ماگدرنه نحصل علی شی ثابت منها لانها نسبیة فمثلا اللی بالارض یشوف های القبة الزرقاء سماء و العلما اللی بالفضا حالیا یشوفون القبة السوداء اللی محیطة بالکون سماء بالنسبة الهم ... الحد اهنا حصلنا علی اثنین سموات اللی نعرفهن ... طیب بعض العلما یقولون انو من نخرج من هذا الکون راح ندخل بفضاء متعدد الاکوان اللی من هناک نگدر نختار ای کون وندخل بی ... هسه هذا الفضا هم محیط بقبة اللی للناظر الواقف هناک ینحسب سماء فصار عدنه ثلث سموات ... اذا نطلع من القبة الثالثة شنو راح نشوف وشنو نشاهد؟؟ لحد الان ما نعرف ای شیء
نرجع للقران حتی نشوف القران شنو یسولف عن السموات ... قبل 1400 سنة القران یذکر مفردة سموات من دون ان تکون هناک مکانات مجهزة لرصد النجوم ولا العلم متطور مثل هسه ... وعامة الناس یعرفون سماء واحدة وهی القبة الزرقاء اللی فوگ روسنه
السموات فی القران ... یذکر سبع سموات ولکن یعطینه خصوصیات البعض منهن و یمیزهن النه ...
سماء الدنیا ... خصوصیتها ... وَ لَقَدْ زَيَّنَّا السَّماءَ الدُّنْيا بِمَصابِيحَ ... یمثل النجوم کانها مصابیح ... ومن هنا نعرف الی این تنتهی سماء الدنیا ... خلف اخر نجمة اللی نگدر نشاهدها بقوة العلم اللی عدنه حدود سماء الدنیا ...
والسماء ذات الحبک ... السماء التی تحتوی علی الحبک ... من اعظم البراهین اللی تدل علی مصداقیة القران ... یسولف عن النسیج فی السماء ...هذا الشیء هسه احنه نسمی نسیج کونی و یشبه نسیج الدماغی ...
السماء ذات البروج ... والسماء ذات الرجع ولکل سماء اللی یذکرها یعطی صفة و یحددهن ... کل سماء تکون فی داخل سماء اوسع منها من الصغیرة الی السماء الکبیرة ...
هسه لحد اهنا عرفنه انو حسب علم القرانی یسولف عن عدة سموات کل سماء داخله فی سماء اکبر منها ...
نرجع لموضوعنا
الانفجار ... او بعبارة احسن التوسع..
اذا تشاهدون الصورة تشوفون بانها محاطه بسواد ... احنه لحد الان ما عرفنه ماهیة هذا السواد ... العلم مایسولف النه بوضوح عن هذا السواد ولکن نعرف ان بدایة الکون کانت بهذا السواد ....
للعم احنه اساسا ماعدنه خبر عن ماقبل 23-^10 ثانیة من بدایة هذا الانفجار او الانبساط ... وعلم الفیزیا مایگدر یشرح لحظة الانفجار لانو قوانین الفیزیاء صارت من بعد فاصلة زمنیة من الانفجار والقوانین الفیزیاء ایضا ماتگدر تسولف عن مکان الانفجار قبل الانفجار و بعد الانفجار لفاصلة زمنیة .... الزمان کما هو معروف عدنه بدأ من لحظة صفر ومایگدر یشرح ماقبل الصفر ...
العلم ما یگدر یثبتلنا انو الکتلة المتناهیة الصغر کم من الوقت بقت علی نفس حالها قبل الانفجار ...
هسه یجون علماء یسولفون عن تموجات کمومیة کـ حل لفهم بدایة الکون وکـ رد للعلماء اللی یعتقدون اکو خالق للکون ... ولکن اصحاب نظریة التموجات الکمومیة نسوا انو علماء الدین یسولفون عن بدایة الکون من العدم (المقصود عدم الحقیقی) و تموجات الکمومیة تسولف عن الفراغ ... ثم ان الفراغ لابد ان یحدث بمکان (هو اساسا توسع هذا الکون یوحی بانه اکو ظرف اکبر من هذا یفسح المجال للاتوسع) التموجات الکمومیة ماتسولف عن المکان اللی کان بی فراغ ... لکل مکان بدایة ونهایة و ابعاد و الفراغ یحدث دخل ابعاد المکان (مانگدر نتصورانو اکو فراغ فی العدم)...ثم ان الفراغ اللی یسولفون بی علماء الکمومیة داخل فی ای زمان؟؟ زمان البیگ بنگ؟؟ لو اکو زمان غیر هذا ؟؟ اذا الجواب نعم المفروض ینطونه تفاصیل ومعلومات عن ذاک الزمن !! علماء الدین یگولون بان الله هو خارج الزمان والمکان وجمیع الابعاد الفیزیائیه ... اذا علماء الکمومیة استطاعو ان یثبتون بان الکمومیة تگدر تخرج عن ابعاد الفیزیاء کلها نعتبرها الله ... لأن احنه مقصود من الله انه البدایة للخلق ... والاخیر انو حسب نظریة التموجات الکمومیة یحتمل ان یکون عدد لامتناهی من الاکوان و کوننا هو الکون الصحیح اللی احنه بی هسه ... نجی للریاضیات و نشوف انو العدد رقم 1 علی مالانهایة ینتج عدد الصفر وهذا انو احتمال وجود کوننا حسب قوانین الاحتمال و فرضیات التموجات الکمومیة یکون صفر
1
ـــــ = صفر
بلانهایة
الان نگدر نفهم بانه کوننا یتوسع وهذا التوسع لابد ان یکون بظرف ما ... مثلا البالون من ینتفخ... لابد وان یکون فضا اوسع من البالون حتی یسمح للبالون بالتوسع ..جربوا ان تمنعوا البالون من التوسع من خلال تضییق الفضا الخارجی تشاهدون بان البالون ما ینتفخ ... هسه یخطر سوال فی بالکم ... ذاک المکان الخارجی اللی کوننا یتسوع داخله شنعرف عنه ؟؟ هیچ ما نعرف غیر انو ذاک المکان یعتبر لکوننا سماء ... ؟؟
نرجع علی سالفة القران کانتا رتقا ففتقناهما
احنه بقوانین الفیزیا لابد و ان نلاحظ محل استقرار الناظر لان یؤثر علی النتیجة هذا الشی ... مثلا لما ماتمشی سیارة من یمی و تروح لشخص واقف بمسافة 100 متر عنی فهذاک الشخص یشوف السیارة گاعده تجی اله وانا اشوفها تبتعد منی والرائد اللی بالفضاء و واقف بمسافة 5 میلیارات سنة ضوئیة (فرضیا) اصلا مایلاحظ حرکة السیارة ... من هنا نلاحظ انو اکو اختلاف بین فهمنا لتوسع الکون وبین ما یتکلم القران ...
احنه داخل الکون وانشوف بدایة الکون انفجار الکبیر و صار توسع و وصلنا الی الان و الله خارج المکان والزمان ... القران یگول کانتا رتقا ففتقناهما والفیزیاء تگول انفجار واثنینهن صحیحات ... هسه انزل الصورة وتشاهدون
بلاول صورة اللی جابتها سورین ...
بدایة الکون بالاصل کان وجود فسحة لتسمح للکتلة بان تتوسع ... ولو ما کان ظرف ومجال للفسحة لکی تتوسع ماچان حدث الانفجار ...
هسه شاهدو های الصورة
الخطوط الصفراء اللی تشاهدونها بالصورة هی بالاصل محل الفتق و من بعد ما حدث الفتق جرت حادثة التوسع ... فالقران بالاصل یعطینه معلومه انو قبل الانفجار شنو حدث ... لهذا انگول اثنیهن صحیحات
هسه نسولف علی فیزیاء الکم و مکانیکا الکم ... شوفوا اول چان فیزیا کلاسیک و قوانین نیوتون حاکمة ولکن قوانین نیوتون ما نجحت بتحلیل احداث المیکروسکوبیه ومن بعدها اجت نظریة انیشتاین و نظریة فیزیاء الکم (احنه نقراها فیزیک کوانتوم) کل وحده من های النظریات ناجحة بمجال و وبمجال اخر غیر ناجحة لهذا نگدر نگول مو کاملات ... لهذا السبب العلماء یحاولون انو یوحدون های القوانین ومن جملة العلماء اللی یحاولون یوحدون های القوانین حجی استفان هاوکینغ ...
انیشتاین یسولف علی السرعة القریبة من سرعة النور و فیزیاء الکم تسولف علی الاجسام المیکروسکوبیة ... فیزیاء الکم تگول باننا نگدر نفهم الاجسام الماکروسکوبیه من خلال فهمنا و علمنا بالاجسام المیکروسکوبیه وتطابق النتائج
اصحاب فیزیاء الکم یعتمدون اکثر علی القواعد الریاضیات دیفید میرمین اللی یحقق حول میکانیکا الکم عنده جملة مشهورة انا ما اعرف عربیتها لکن بالفارسی تصیر خفه شو ومحاسبه کن ... یعنی صه .. علیک بالمحاسبة فقط... اعتقد هیچ تصیر .... فی حال مبرهنات عدم الاکتمال لغودل تگول بانه فی السیستم الریاضی الکل اکثر من جمع الاجزاء بمعنی انه دائما اکو اجزاء داخل السیستم اللی ما نگدر نشرحها من خلال قواعد السیستم ... فیزیاء الکم نجحت بتحلیل العدید من الامور ولکن تفسیرها علی بعض الامور بعده مو ناجح ... من جمالیات فیزیاء الکم انو نشاهد ان الاکترون بلحظة واحدة یکون بمکانین ... هذا الشی مو عجیب علی المسلم العالم ... قبل 1400 سنة المسلم کان یعتقد بانه اکو شیء بالعالم یگدر یحضر بالعدید من الامکنة بنفس الزمن وهذا الشیء اسمه ملک الموت او سائر الملائکة وهسه فیزیاء الکم یثبت هذا الشیء بان اذا الشیء تحول الی موج یگدر یکون بهیچ حالة ... اکو واقع و حقیقة واکو یقین... فیزیاء الکم یسولف علی موضوع عدم الیقین ... ولکن مایسولف عن الواقع ... تصوروا احنه هسه بلحظة الصفر من الانفجار الکبیر ... للناظر الخارجی اللی یؤمن بفیزیاء الکم مطلقا یجوز احنه ماالنه وجود لانو هو اساسا ماعنده یقین بان الکتلة وین و بنفس الوقت تگدر تکون موجوده وتگدر تکون مو موجوده لکن باللواقع والحقیقة کان الها وجود ...
