انتي من اهلج عليمن خايفه
وهي قصتنا شريفه وصافيه
هلج رفضوني يكرهون الفقير
ولان ماعندي الفلوس الكافيه
ادري بيهم مايحبون العزيز
ومايقدرون الحجايه الدافيه
هي لو بيدج تحركين الجدام
چا ركضت ولحظنيتج حافيه
شگد گعدت وياج بس ردتج حلال
ونيتي كلها وياج چانت صافيه
امتاني ليل الله اليجي يوزعلي ليل
عيوني ذبلانه وعمر ماغافيه
وداعت الكلشي بسمارچ مانسيت
ابالي تضوين وعمر ماطافيه
من اشوفج اضحك وارتاح حيل
الشامه البخدج ترد العافيه
حظني بارد حيل مشتاق ال اديچ
وادري بحرورة شبگتج دافيه
موش ابن عمج لجن بيج انه اموت
وفنها توصلج حلوگ الفاهيه
هلچ للماعنده مايصبح نسيب
وهلي وادم فقرة مامتعافيه
هلج عوفيهم يبعد اهلي وهلج
وانه ناذر كلشي البطولي الج
باقيه وياهم شعدهم وشألج
وهمه للتردينه ماينطونج
هلج مايطون للخياله اصيل
ومايقدرون الكحل لمن يسيل
آخذج گوه عليهم حتى لو
آنه وياج بطرگ حبنه نشيل
عشگي بدوي .... امتاني كاعدلج سنين
وماغفيت بدرب بيه طولج دليل
ادري بيج مسودنه بعشگج الي
وخاف نيتهم يرفضونج هلي
انه وياهم بعد باقي شألي
لچن ادري لخاطري يحبونج
مسروقه ،،،،، ^.^
رد مع اقتباس
....
المشاركة الأصلية كتبت بواسطة رجل كهل
