بتقولها كيف
وكلك وجل
لينا عندك حق
وانت قاطع
كل وصل
ما عرفنا ايه
اسباب جفاك
وايه الملام
وبدون عتاب
خليتننا فى
حيرة وشكك
اخطأنا فى حقك نقول
ولا جابوا ليك
فى يوم كلام
واحنا ما ندرى الحصل
من زمان عارف
مكانتك عندنا
وقدرك شنو
وزيك منو
كان ليهو نصيب
فى ودنا
احنا زى ما فتنا
نطراك بالخير والجميل
فى كل ذكرى
مع الاصيل
وكل نسمة ليل
رويانة من عبق الورود
وكل اشراقة شمس
فى شعاعها
من ذكراك وميض
بين الحقول
يرسل يعيد
رونق الهمس الزمان
بوجودك الزاهى وفريد
كيف كان بهيج
كيف كان سعيد
لو كنت جد بتعزنا
من حين لحين
اطرانا وأسأل عننا
وخلينا نطمن عليك
جود بالقليل
فى وصلنا
بقلمى / ود امدر
رد مع اقتباس
المشاركة الأصلية كتبت بواسطة بﮩﺴﮩﻤﻪ ﺃﻤﮩﻞ
