لقاء صحفي مع Hani Al-Mayahi
السلام عليكم ... تحية طيبة
لقائنا الصحفي يتجدد مع صاحب الأبتسامة والروح الجميلة
كثيراً ماترى الأبتسامة على محياه وكثيراً ماترى مواضيعه
المميزه ينتقيها بأمتياز ...
قضى معظم عمره في الدراسة ومازال طالباً في كلية الهندسة قسم الميكانيك
هو مشرف القسم الهندسي الجميل Hani Al-Mayahi
اللقاء عفوي جداً ...
اليوم يسعدنا ويشرفنا أن نلتقي بالصديق والعزيز هاني المياحي ..
أهلاً بك صديقي وحياك الله
- من هو هاني المياحي ؟ وهل هاني المبتسم دائماً في درر العراق هو نفسه في الواقع الحقيقي ؟
على كولت صديقي يكلي انت اكثر انسان متفائل شفته بحياتي
مبدئي ما اجل هم الغد الى اليوم ولا أفسر تصرفات الناس أتجاهي على أساس سلبي
بالنتيجه تكون انسان قليل التجعبن
بس طبعا بالمنتدى اختلف عن الواقع
اوجه سؤالي لمن شافوني اختلف لو لا
ضياء المالكي
محمد البصراوي
سباي مان
يونس
- ما سر تواجد هاني المياحي في المنتديات ؟
السر هو
انا انسان مزاجي متقلب الاهواء
كل فترة اقضيه بمكان
اخذت فتره طويله بموقع خان وهذا موقع لمن لا يعرفه يقدم اكثر من 4000 فديو تعليمي
صغير وفي كل العلوم رياضيات فيزياء الفضاءويعطيك درجات عليه من الرتب
كذلك اخذت فتره لا باس بيه بمنصة رواق وشبية بالسابق بس عربيه
فتره بالتويتر احشش
فتره بكيمزر العب شطرنج
وفترات طويله على اليوتيوب اتعلم
كذلك فترات طويله جدا اشاهد فقط كارتون
- هاني المياحي يميل الى المواضيع العلمية أكثر من غيرها من المواضيع لماذا ؟
بالحقيقة اتسلى بيه
الامور العلمية يستقبله العقل بكل اريحيه لان تتوافق ويه منطقيته وما اتعبه
وبالتالي جدا ممتعه
كذلك من المخجل جدا ان لا تفهم المقابل عن ماذا يتحجى هههه
هسه اجه سؤال الي هل المعرفة تنتقل الى الابناء بالوراثه
4- تكلم عن رحلتك في الدراسة ؟ ربما شاقة وطويلة ؟
والله رحلتي طويلة مو شاقة لان ما ابذل مجهود يذكر بالدراسة
بالاعدادية جنت اكبر مسختجي
ما جنت ادرس من حيث المن ادرس اذا الشهر الي قبل الامتحانات هو يحدد مصيرك فقط
طلعت معدل 85 وماجل درسين جنت رايد بحريه وسمعت يردون 80 فقلت شسوي بالبقية ورحت على اني اريد 80
والحمدلله نزلته لل80 وتالي ما قبلوني البحرية لان الي وصلي المعدل ما كلي السالفه تنافسيه هههههه
كان انصى معدل عندي هو العربي ومن بعده الانكليزي
من خلصت سادس وعدت نفسي ما اغش (يعني ما اباوع لدفتر صديق اما البراشيم مبتعد عنه بتاتا)
والحمدلله لحد هسه ما اغش
خلصت معهد النفط بال2009 والمعهد سهل جدا
خلصت ادارة واقتصاد محاسبة بال2016
ايضا سهله كانت لان كنت معاهد نفسي ما اقرا قبل يوم من الامتحان والحمدلله السعيات زينه
وهسه الهندسه المادتين الوحيدات الي بذلت جهد هي ميكانيك ورياضيات وله البقيه سهلات
اعتقد ماكو داعي ان نبذل جهد بالدراسه بينما نكدر نستفاد من هل الوقت لتعلم اشياء ثانيه
- يقال أن هاني المياحي من المفترض متزوج من تاريخ 15/10/2015 ؟ لماذا هذا التاريخ ؟ ومتى تكمل نصف دينك ؟
تصدك ماعرف شنو هل التاريخ ما ادري ناسي هههه
ردت اتزوج قبل مدري جكد بس ما صارت بعده عجبتني الوضعية
يمكن هل السنه اكمله على الاكثر
- هاني المياحي يعشق الكتاب عشقاً كبيراً ؟ أكثر كتاب بقي عنوانه في ذاكرتك ؟
القراءة عشقي وكثيراً أقرأ الروايات لكن لا أهتم للعناوين أكثر منه للمؤلفين
احب مؤلفات جوزية ساراماغو
مرتضى كزار
تشارلز بوكوفكسي
توني بوزان
ديل كرانيجي
- هاني المياحي مهووس في متابعة الأفلام الأجنبية ؟ أي من الأفلام تحب مشاهدته مرة ثانية ؟
اي والله مهوس بيه وبالمسلسلات الاجنبية اعتقد هي الشي الوحيد الي تخلي الانسان يستفاد بعد الكتب والبراشيم
المهوسين بالافلام ما عدهم فلم مفضل اعتقد هل الشي ظلم لغير افلام
لان كل فلم عالم ثاني
- أمنية تراود تفكير هاني المياحي ؟
اكمل بعد الهندسة ترجمة
الي توقعوا اكول مثنى وثلاث ورباع تره غلطانين ههههه
- موضوع هيح أفكر في منتديات درر العراق ؟مالذي يجذب الأعضاء للمشاركة فيه كل يوم ؟
فوضوتيه مثل ما توصفه رحيل
كارثتيه مثل ما توصفه فواطم
واكو بعد وصف لشذى ماتذكره بالضبط
بس اعتقد لان المشاركات متنوعة مصاغة باسلوب بسيط ومرح
اعيد توجية السؤال للاعضاء المتابعين اله
- لو أعطاك أستاذ سامر ادارة المنتدى لشهر كامل ؟ ماذا تفعل ؟ لأن حضرتك كنت مديراً لمنتديات سابقاً ؟
ابقي على حاله لان كلش عاجبني الوضع بيه
او يجوز اخلي كادر الادارة يغلق مواضيع قسم الاسئلة الي تم الاجابة عنه ويكتبون يمه تمت الأجابة
- عضو في درر العراق تجذبك مواضيعه ؟
سوسن
شذى
سامر
رحيل
- كلمة ختام
شكرا استاذ ضياء على هذا اللقاء
دمت بود
وهاي ورده
اعذرني ماكو سمايل بوس
الف تحية للعزيز والصديق هاني المياحي ... كان لقاء جميل وخفيف الظل بروحه الجميلة
أما أنتم أحبتي الدرر أنتظرونا مع ضيف جديد
اللقاءات السابقة
لقاء صحفي مع Qas!m
لقاء صحفي مع دكتورة وطن
لقاء صحفي مع ثامر الحلي
لقاء صحفي مع سعد العراقي
لقاء صحفي مع أغرد بهمس
رد مع اقتباس
المشاركة الأصلية كتبت بواسطة أغرد بهمس
