انته سيف الله الابد ماينثلم
اشلون اجوك ابسيفهم وتثلمت!

ياجبل يا حيد ويحود الزلم
يعني معقوله طحت وتألمت!

انته كرار الهواشم والنعم
يرجف الميدان كون اتحزمت!

انته حيدر والكفايه ابهل اسم
تسكت الاكوان بس اتكلمت!

انته عَلمت البشر كل العلم
وانته بس من الرسول اتعلمت!

انته أيه ارسمت ابهذا الرسم
وتبتسملك جنه كون اتبسمت!

اليموت ابذنبه يذكر والندم
وانته فايز ما تكول اتندمت!

انته اركان الهُدى وبيك الألم
وبعدك الاركان كلها اتهدمت!
بعدك الاركان كلها اتهدمت!
​حسين االساعدي