هنا

[سورين]

الظاهر انك عصبتي هدئي من روعك صغيرتي أعصابك تهمنا أكثر من كل شيء .
نعم ما اقدر أنكر لأن هذا الشيء هو نتاج تجارب واستنتاجات و عدم إنكاري ليس ظروريا الاقتناع به وإنما هو احترام بالرأي والرأي الآخر .
وليس التعصب لفكرة معين

اول شي اني مو صغيرتك
وثاني شي أبد ممعصبة اني ريلكس

[سورين]

هدو ي جماعه اطرحوا ارائكم بدون تجاوز
ولا نظرية نبي الله محمد ص واله
ولانضرية اشخاص علماء
اطرح رايك ببساطه ...،هذا الاريده
ترة هم عدنا كوكل

واذا چان هذا رأينة شلون يعني

[أغرد بهمس]

هههههه شكرا سورين شكرا لرايج
راح اسميج سورين جريده
ولج دوختيني تورطت سالتج

يله شكرا شكرا اشكركم كافي عرك
قصدي كافي نقاش،
وتقييم الكم ثنينكم

[سورين]

هههههه شكرا سورين شكرا لرايج
راح اسميج سورين جريده
ولج دوختيني تورطت سالتج

يله شكرا شكرا اشكركم كافي عرك
قصدي كافي نقاش،
وتقييم الكم ثنينكم

ههههههههههههههههههههه احبج
بالمناسبة يصيحولي سورين جعفورة
لان اتفلسف هواي مثل الجعفري

[Samer]

مرحبا سورين .. لاحظت مدى اندفاعج ومدى "قناعتج" بالنظريات حتى لو كانت لا تستند إلى "ارضية صلبة" .. نظرية اينشتاين النسبية من المؤكد من انها اعظم النظريات لتفسير الظواهر الفيزيائية اللي ما ممكن تفسيرها بدون هذه "النسبية" .. لكن نظريات اخرى مثل (انه قوانين الفيزياء تنطبق على وقت ما قبل الكون مثل ما تنطبق على ما بعده) هذه ما ممكن اثباتها عن أي طريق حتى لو كان بدليل فلسفي.

النظريات العلمية بحد ذاتها ليست "مناقضة للدين" او مناقضة لـ (فكرة وجود الخالق) .. النظريات والقوانين ببساطة تعني انه هذا الكون منظم للغاية ويخفي بداخله الكثير من الاسرار

حسب منظوري البسيط للعلم .. الاحظ مسألتين بعيدة جدا عن انه يكون الها تفسير بأي وقت قريب ..

1- نشوء الكون (ممكن من العدم) .. كل النظريات اللي تتكلم عن نشأة الكون .. تبدي تتكلم من (لحظة نشوئه) .. و اللي ممكن يكون حسب نظرية الانفجار العظيم، هذا جانب (السماوات)
2- نشوء الحياة ووعي الانسان .. واللي محيطها يتعلق بالكرة الارضية فقط .. و هذا جانب (الارض)

هذه المسألتين .... صعبة للغاية تفسيرها بدون وجود خالق أولا .. ثانيا اذا افترضنا وجود خالق .. و الخالق هذا فقط خلق كلشي وما حب يتدخل بعد ابدا باي شي آخر .. ما تلاحظين انه هذه الفكرة تبدو غير منطقية ؟ ليش هذا الخالق انعزالي إلى هذه الدرجة ؟ .. شنو الغاية (وهو الخالق الحكيم العالم بكل شيء) .. انه خلق كل هذا اذا شاء انه يعزل نفسه و ما يتدخل باي شي آخر ؟

من هذا الباب تحديدا .. اني شخصيا اعتقد بارسال الانبياء للبشر .. هسة القرآن صحيح او لا هذا بحث، والعمل بيه كله او جزء منه هذا بحث .. و حجية الموروث الروائي هذا بحث .. بس ارسال الانبياء للبشر هو لتوضيح الغاية إلهم من الخلق انه (هنالك خالق فاعبدوه) .. هسة صحيح هواي خرافات وامور لحقت بالاديان .. بس بالنهاية الفكرة الاساسية منها هي عبادة الخالق الذي اوجدنا واوجد الكون كله من العدم .. وممكن جدا يحاسبنا لاحقا على اعمالنا .. لذلك كل ما يبتعد البشر عن (هذه الغاية) رب العالمين يرسل نبي للبشر .. اني اشوف هذا تسلسل "منطقي" للاحداث أكثر من فكرة (انعزالية الخالق بعد خلقه الخلق)

[Ćat]

طبعاً اول غلط وگعتي عليه بسؤالج انو گولتي عنها الانفجار العظيم ، والواقع ان النظرية ما الها علاقة بالانفجار لامن قريب ولا من بعيد،الانفجار هو تحطم شيء وتكون اجزاءه متناثره ، والنظرية الحقيقيه ( دون تزييف ) تگول انو الكون تمدد ، الكون بحالة تمدد مستمرة ( اهل الفيزياء يسموه نسيج الزمكان او هيج شي)

بصورة ابسط ، بالون وتنفخين بيه ، وطبعاً هذا التمدد يصير دون مركز ، وهذا التمدد (المكان والزمان الي هو نفسه المادة والفضاء) بدا من نقطة متكدسه بحرارة وكثافة كلشش عاليات:1( فعلاً واو هل الشي ولو تصفنين بيها حشوفيها منطقيه)

هسه تكولين زين نكدر نگول انو الكون ثابت مو متمدد ، منو يثبت انو الكون متمدد وشلون نستدل ع هل الشي

ادوين هابل بتليسكوبه أثبت انو الكون بحالة تمدد مستمرة ، لاحظ انو المجرات دتبتعد عنا !
الحلو بالنظرية انو هي تخضع للادلة والملاحظات ، ظهرت هواي محاولات من الغرب تحديداً (اعتقد جماعة المسيح) حتى تفند النظرية وتحرّف بيها ( لانها مدمرة لكل الاديان )

شكراً لنوستالجيا.... شرحلي هل الموضوع المعقد بشكل مبسط، اتمنى الفكرة وصلت.

[Ćat]

وبالنسبة لـ(كَانَتَا رَتْقاً فَفَتَقْنَاهُمَا )
يعني السماء والارض جانت متلاحمه قصده هنا مثل العجينه بصورة ادق وبمعجزة ميتافيزيقيه انفصلن؟
يعني قارني بين تفسير البينك بانگ وبين تفسير رتقاً وشوفي منو الاقرب للمنطق

[sniper]

قبل مئة سنة توصل أدوارد هابل إن المجرات تبعد عنا بظاهرة تسمى الانزياح نحو الاحمر


.

للتصحيح العالم اسم ادوين هابل
متابع .. لي عودة ثانية

[سورين]

ولو اني مطفية وحالياً متوجهة لأخذ قسط من النوم
بس سامر شلون تگول إنه النظريات لا تستند لأرضية صلبة ؟! طيب لعد رأيكم شلون يستند ويكون صح ومعدكم أي دليل علمي ؟!
يعني هالنظريات الي جاي تسير العلم معقولة العلماء يقتنعون بيهة وماكو أساس صلب إلهة ؟!
وبالنسبة لقبل بدء نشوء الكون گلت إنه المادة المظلمة الأزلية هي الموجودة .. وبالفيديو الي نزلتة يشرح العالم إنه يگدر تكون بداية العالم صفر !
يعني لا شيء !
مو الفراغ الي احنه نتخيلة !
بس هو صدوگ لا شيء ..
وبالشرح عن الغداء المجاني توضيح فيزيائي كامل عن هالموضوع ،
طيب نجي للأنسان هسة .. إنت شمدريك إنه أكثر الكواكب متطورة هي الأنسان وشمدريك إنه الأنسان أفضل المخلوقات ؟!
يعني حتى نقارن نحتاج فد مواجه او قرين معين نشوف الفرق ونختار الأفضل !
يجوز نشوء الكون وبداية الحياة صنعت كائنات غيرنه أفضل !
طيب بالنسبه لله خلي أشرح فدشي وشوفه منطقي أو لا
حنطيك مثال
إنت ذكر ، يگدر أحد يجي يگلك ليش أنت ذكوري ؟!
هالسؤال غريب كلش مو ؟!
يعني إنت بطبيعتك ذكر !
فالرب ( سبب النشوء .. سبب الخلق ) ما أحدد بس الاله الي بفكرك ، صفة الخلق صفة ملازمة إلة
مثل ما العدمية والوجودية صفات متلازمات
فالرب صفته الخلق يعني يوجد أي شي قابل إنه ينوجد
السؤال حيل خاطيء إنه نخلي أسباب للخلق كالأختبار والعبادة وغيرهة !
صفة الخلق صفة ملازمة لأي رب كان
أي شي ممكن أن ينوجد فينوجد
فهمت قصدي ؟!
أني اشوف إنه من غير المنطقي إنه رب بعظمته الي تفكرون بيهة وتشوفوهة يرسل بشر حتى يقنعون الناس بي !
يعني إنت هم حاولت مرة تقنع نملة إنه إنت أعظم منهة ؟!
فكرة الله الي متواجدة حالياً برأيي الشخصي فكرة أشبه بالبدائية
يعني الله الي حسب ما موجود يبحث عن العبد المؤمن ويرسل الرسل ويعاقب ويثيب
يحسسني إنه يعاني من دعاء العظمة أو الوحدة او عقدة نفسية يحاول يثبت وجودهة ( بدون اساءة والله ) أحاول اوصل الفكرة فقط ..

هذا الي گدر عقلي إلي أنتهت طاقتة يطلعة

[سورين]

ها اخاف واحد ذكي يگول ردج متناقض شلون تنكرين وجود الله وهسة شرحتي عن سبب الخلق وغيرهة ..
شرحت الفكرة بطريقة فلسفية أما إذا چانت علمية فراح نرجع لنشوء الكون والتطور وغيرهة
الرب الي احچي عنه مو شرط مثل متتخيلوا !
يعني الرب للناشيء ومصدر النشوء
أوكي ؟!