هنا

[أنثى حائرة]

صباح الخير

اكيد تفاجئتوا بالعنوان وحقكم بس راح اوضح

قبل جنت زينة وملتزمة دينيا نوعا ما .. ما اكول كلش بس لا بأس

طبعا ظروفي مو زينة ما احجي ع المادة وانما الظروف العائلية .. جوز تكولون عادي ماكو بيت مابي مشاكل .. واني هم اكول هيج ..
بس...
الغيرني وخلاني اغير فكرتي ع الاسلام والاديان (السماوية) هو ابوية..

بغض النظر عن ماضي ابوية الموزين .. اكو اشياء تحتم عليك تعيد تفكيرك بكل شي

اوضح اكثر .. ابوية لعب لعب بامي واذاهة وووو
وبعدين اجة دور اختي هم بهذلها دمرها من كل النواحي من الدراسة والزواج وووو
جانت اختي تحجي عليه واكلها حرام وميصير وهذا اب وعفا الله عما سلف لان جنت عبالي اتغير

واذا بالايام تثبت انه ذيل الكلب ما ينعدل
دمرني نفسيا و دراسيا وهواي اشياء ما اكدر اذكرها ..
هسة تكولون شنو الربط بين ابوج والالحاد ؟؟
الربط هو انه اني بنظر الدين عاقة لان احجي ع ابوية (اغلط عليه بداخلي طبعا) واكرهه وانتزر فرصة حتى ااذيه وطبعا هالشي من ايده .. لان اني مو طبيعتي الانتقام والكره بس هو بهذلنا ..
فلمن اكون بنظر الدين عاقة والله يحاسبني ع عقوقي فهذا ظلم بحقي وحق اختي وامي .. لذلك كفرت بالدين وتحولت لانسانة ملحدة ومو بس اني اختي هم هيج صارت .. رغم اني ما كايلتلها ع هالشي ولا هي كايلتي و بالصدفة قريت هالشي بمدونتها ..



ودي لكم ....

[zeto]

بدل ما تصيرين ملحدة واجهيه
اكو اية تكول .. وان جاهداك على ان تشرك به وبيها تكملة .. يعني اذا يسوي غلط حاسبيه مو تصيرين ملحدة بالعكس تقربي من الله وادعي الله يهديه

[M N S Y]

الإلحاد هو الكفر بوجود الخالق
أما اللا دينية هي الكفر بالأديان
فأنتِ لا دينية ولستِ ملحدة

[M N S Y]

أنتِ بنظر الدين لستِ عاقة
فتركك للدين ليس له مبرر
راجعي نفسك ما العمر والدنيا الا زخرف زائل
يتناقص كلما طال

[هيثم الغراوي]

اعرف شخص يمنه همات ابوهم موزين بس أمهم مرة امعدلة والبنات ماشاء الله قمة الإلتزام ف اذا أنتم زينين مالكم دخل ب ابوكم يعني لتطيعونه اذا هو موخوش ادمي ولتتحولين إلى وحش كاسر صيري قوية وخليج مع الله وراح تشوفين النتائج

[Larsa]

برأيي الدين الذي يدخلك في خانة العقوق لأنك كرهتي أب كهذا دين لا يستحق أن يعتنق فعلا
رغم ذلك انت مو ملحدة نفس مگال الاخ اللي قبلي لادينيه،
ونصيحة عزيزتي أتركي قضية الانتقام والكره وووو
لانك مراح تجنين منها غير التعب والأزمات

[انسان ثاني]

اختي العزيزة شنو دخل الالحاد ، فكرة الالحاد فاهمتها غلط ، الالحاد هو بعد مرحلة اللادينية الي لازم من خلالها تبحثين على جميع الاديان السماوية (بقدر متساوي في الاطلاع) و من ثم تقررين هذه الاديان يتقبلها عقلك او لا ، بعدها يبدا البحث في نظرية هل هناك خالق او لا ، طبعا هذا الكلام نظري و تطبيقة قد يستنزف عمركِ بالكامل حتى تستطيعين الوصول الى مرحلة اليقين ، مو لانك وجدتِ مشكلة في العقوق تُبرر لكِ الالحاد بالخالق ، مشكلتك هي مشكلة نفسية بعدم تقبل تصرفات الاب ، تحتاجون الى طبيب نفسي انتِ و والدك ، هذا هو جوهر المشكلة


تمنياتي لكِ بالموفقية

[سامح]

عفية

[عضوية57049]

سبب سخيف حتى تلحدين فعلاً
الالحاد او الخروج عن الدين يراد له تفكير حقيقي و بحث و تشكيك فعلاً
بس من ناحية , سبب الخروج عن الدين او السبب الي خلاج تفكرين مو مهم بكد مامهم تختاريه عن قناعة و تتمعنين بيه ، لان بالنهاية الي دتسويه صح

و على فكرة دااتخيل حياتج بائسة ، اعتقد الافضل انو تتمسكين بالله لان هو املج الوحيد بالحياة لا صدك يعني ، هاي ميزة الايمان تطيج امل بالحياة و صبر ، لذا لتخسريها


و ابوج لا حل له اصمدي ان الله مع الصامدين

[إنسان]

ما أعتقد الشغلة او بالأصح الخلاف العائلي اللي حصل سابقاً بينكِ
أنتِ وأخواتكِ مع والدكِ أوالمشاكل اللي إحتمال مستمرة إلى الآن
ما أعتقد لها دخل بالإلحاد ذره واحدة (كلام ميخش بالعقل بتاتاً)


نأتي لباقي المشكلة اللي طرحتيها بالموضوع

ابوية لعب لعب بامي واذاهة وووو
وبعدين اجة دور اختي هم بهذلها دمرها من كل النواحي من الدراسة والزواج وووو

..
أنا على قيد الحياة وأخلي حضرة الأب يلمس شعرة من رأس أمي
لا واللي رفع السماء بلا عمد .. أشكَه بالنص وأشرب من دمه لو يصير مو أب
لو يصير ملك من ملائكة الله على أرضه
عاد الدنيا بكف وأمي بكف

نرجع مرة ثانية
بعيداً عن كون إلحادك و ماشابه سبب المشاكل أو ...... الخ

أكو محكمة أشتكي عليّ .. أعمل المستحيل في سبيل أيقاف المكر والحقد والتعامل السيء اللي يحمله والدكِ

على كَولت أحد أصدقائي
ورقه وأذبها بالأستخبارات يروح بالرجلين

عاد خلي ينفعك كائن من يكون