هنا

[سورين]

وجهج مو فضيحة

مرحبا اسمي مارلين و مديرة في احد كروبات النسائية "Queens of Iraq"... الكروب يتكون من مجموعة ادمنية من جميع الاديان و الطوائف. هدفنا نجمع اكبر عدد من نساء العراقة من جميع دول العالم و الفكره جانت نتونس و نفتح لايف و نتكلم بمواضيع تخص المراة :منها الاجتماعية الصحية و الجنسية و الدراسية و المهنية و مواضيع تخص المكياج و الأزياء الخ... و يوجد في كروبنا عدد من الطبيبات و المحاميات و إعلاميات و شاعرات و كاتبات و مدرسات يشاركن بهالمواضيع ... خلال فترة تواجدنا بالكروب ساعدنا مجموعة كبيره من البنات داخل العراق و خارج العراق من هواي امور مثلا مشاكل اجتماعية و دراسية و مهنية جنا نتناقش بهواي امور للتوعية الثقافية ....مع مرور الزمن صرنا خوات و صديقات ...

كروبنا عملاق يضم مايزيد على ٩٩ الف عضوة... وصلت لنا تهديدات من شباب من بيج عراقي بان نغلق الكروب لان يحرض البنات على الفساد و كامو يهكرون حسابات الادمنية علمود نغلقه بس لان احنا مجموعه من بنات داخل كروب ندردش و نضحك! أزعجهم الامر و قامو بعض الشباب الي يدعون "بالعفة بالغيرة و الشرف" بنشر صور و سرقة بعض تصوير "live" البنات كوسيلة تخويفهم و تهديدهم....

اضطرينا نحن المديرات الكروب بان نغلق صفحتنا لتجنب مشاكل و عدم تسرب صور الاعضاء الي هم مالهم ذنب من الاساس !! ليش صار وجهنا عار ؟ وجوهنا فضيحه؟ وجوهنا عيب؟ من شوكت صار عرض وجهي فضيحه؟ وجهي هويتي فقط!

ماكو قانون يحمينا من ابتزاز الالكتروني بالعراق و محد يكدر يحمي البنات من صورهم و لايفاتهم الي انتشرت ماكو قانون يحاسبهم على ارتكاب هذه الجريمة الالكترونية مجتمع فاشل يبحث عن فضائح البنات البنت و تاركين مشاكل العراق كلها .
#خان_جغان

[ضياء المالكي]

النظرة مجتمعية مقيته بعض المجتمعات تعتبر المرأة عار مو بس وجهها ..

[عضوية92213]

طبعاً الحجي كوله صحيح وسبب هذا الابتزاز كوومه بنات ماتن وخسرن مستقبلهن والدولة تتفرج ماكو اي ردت فعل ...شكراً سورين

[سورين]

النظرة مجتمعية مقيته بعض المجتمعات تعتبر المرأة عار مو بس وجهها ..

وهذه المجتمعات لأن ما عدها أي إنجاز يذكر
ولأن ما عدهة شي تفتخر بي
طلعوا بدعة الشرف والفضيحة ووسموهة بالمرأة
شكراً أخي للمرور

[سورين]

طبعاً الحجي كوله صحيح وسبب هذا الابتزاز كوومه بنات ماتن وخسرن مستقبلهن والدولة تتفرج ماكو اي ردت فعل ...شكراً سورين

أكو قانون للأبتزاز بس منو يمشي بي ؟!!
الدولة فالحة تشرع قوانين بس للي بداخل حلقتهة الحكومية
والي تگدر بيهة تحافظ ع فسادهة
وطبعاً يا ريت تكون التوعية هم من جانب الأهل
اذا صارت صورة للبنية بالنت مو فد كارثة !
ترة شي كلش طبيعي
بس مجتمع قبلي وأفكاره أفكار بدو حتى الان ^-^
اهلاً حبيبتي

[هيثم الغراوي]

الوجه ليس فضيحة في الدول الأوربية اذا كنتي أوربية فلا بأس وتخلي عن عربيتك الأصيلة

[سورين]

الوجه ليس فضيحة في الدول الأوربية اذا كنتي أوربية فلا بأس وتخلي عن عربيتك الأصيلة

متخلية عنهة من زماااان
أعيد واگولن
أني سومرية مو عربية ^-^
واهلاً بيك اخي

[novel]

يدعون بالديمقراطية وهم .. عجبِأّ !!
أي حق للحريتنا ممعتبريلها اعتبار !
,

[سورين]

يدعون بالديمقراطية وهم .. عجبِأّ !!
أي حق للحرية ممعتبريله اعتبار !
,

صح لسانچ حبي
حرية معاقة

[هــاجــر]

والله كلامج صّـْْ(☑)ـْْحّ
الله يعين بس