قصيدة رأيتها مكتوبة - الشاعر صادق طلال 2017 قصيدة رأيتها مكتوبة + استماع
::::::::::::::::::::::::::::::::::
رأيتها حقيقتي ... فقبلها الأيام قطعا زائفه
أني الأمان بقربها .......مالي أراها خائفه
هدوئها انبأني بالعاصفة
سيدتي .. تلك التي .. كانت جميعا واقفة
گولولها بحالي
تلبس الفستان وتجيني عيونها تلالي
خربت شروگيتي لان تتبغدد گبالي
.
وبست ايدها وخجلت وصارت حمرة
وخدودها الحمرات ذبت ..... حمرة
ومن باوعتلي الدنيا زادت ..... حمرة
وحتى الضهر نجماتة گامت ..تشهد
.
ضحكت وشفت اسنانها شگد بيضة
صغيرونة كللش طالعه من ال بيضة
حسبالي سمره وتالي طلعت بيضة
و يمها الگمر كلش يبين اسود
.
ضاج الگمر گللها توبي و .... جوزي
سكر وجوز بشفتچ مو ..... جوزي
ختلت وراية وگتلة لونك .... جوزي
و تمكيج المكياج بيها و عيّد
.
صابته الغيرة وگال مرتك .... سودة
گتله انزل ولا هالحجايه ال ... سوده
ولمن نزل يا ساعة ال مو .... سودة
ضليت وحدي وگمت اغازلها شگد
.
غازلها شيبي والگلب ضل ... اخضر
وشفت الحصاد الما مخضر اخضر
شديت بيديها علگ لونه ... اخضر
وايدينها الحلوات صارت مرقد
.
مفهومه بس محد گدر يفهمها
تخجل ولمن تبتسم
دافنشي ما يرسمها
،
(( يا ليتها طفلي
يا امروء القيس على هذا الغزل
قف لي وصفق لي ))
تخجل وكلش تستحي
توگف گبالي وتشرد
ومكياجها مسومر وخدها مورّد
حتى الگمر يمها طفة
واستعجل اعلى الحوتة
والله اني ما شايف وجه
ينطي ضوة بكل قوتة
::::::::::::::::::::::::::::
::::::::::::::::::::::::::::
الشاعر صادق طلال
رد مع اقتباس
المشاركة الأصلية كتبت بواسطة الملاذ الاخير
