هنا

[أحمد الناصري]

احبن بيك كلشي وكلشي بيك اهواه
واحبن كلشي بيك وحته مو زينــــــك
اذا مو زينك احله من العسل عالـــروح
بس گلي شــحـلاته يصــير چــا زينك
من اسمع احبك روحي مني تــــذوب
واذوب انه ويه روحـــي ابين جــفـنينك
الماي ويه الهوى ســـر الحيا بالكـــون
وصـــــارن هالثنين ابيــن شفــتـيــنك
اذن من غير حــبك روحي مني تـموت
و كتل النفس تــدري محرم بدينــــــك
انه من البـــــــــشر لا ما اغـــار اعليك
اغار من التـــــــــــــراب اللاح رجلــينك
انته ويه الشمس متطابق الاوصـــــاف
بس شنهو الفرق ما بيــــــنهه وبيــنك
الشمس وگت الغروب يروح منهه النـور
وانته بليل هـندس تضوي خــــديـنك

[أحمد الناصري]

عرفتلهه وبعد ما سولف بنوحي

مناه وانتهت ما ادلّي بجروحي

عليش اعتب واريد ادخل بروح الناس

وانا ادريها كلها تصيح ياروحي

[أحمد الناصري]

لاتجرح جرح وتكول مو انه
ولاتكتب شعر وتخرب اوزانه
اليزرع زرع لازم يشبعه بماي
موش اسمه زرع والكاع عطشانه
واليكسر كلب لازم يجبره انوب
خاف من الله هيه الدنيه خلصانه

[أحمد الناصري]

ويـن الكــاچ ..
يــااا أول وجــه للشــوك
يتغــذه اعله عافــيتي
آنـه

بلياچ لـو عشرين احـط بالبيـت
اعـزب تظـل
جنـسيتي… .

[أحمد الناصري]

كمت اشوفك تهوه غيري
ابيش غثنك عيوني؟
وغربتني

[أحمد الناصري]

وگمت أگلها يعوض الله
تگلي بيش؟
ب الي هسه بحبك يعيرونها ؟
ب الخذوا منها الهوه وصاحت هواك
بعازة الوشلة نفس يطونها

[أحمد الناصري]

وهذولــة أهل الگلوب البيض

حتى ويه الفرح يبجــون

بيهم للدمع سولــة .

[أحمد الناصري]

لا تعشق الأنثى بعينك ف ربما عينك تجد الأجمل منها لكن !!
اعشقها بقلبك فـ القلوب لا تتشابه ابدا.

[عدنان الواثق]

صباحكم اعياد وابتسامة طفل نقيه وربيع ملون من اعذب الحروف ..مكثت قليلا هنا حتى شعرت بان الدنيا مسرح كبير وقلوبكم تنبض حبا تاره وتعزف نغمات العشق تاره فاطربني عزفك صديقي مبدع انت فلك كل الود على هذه المدونه الجميله جدا

[أحمد الناصري]

الما يرتاحلي معذور
مخلي بكلبه الف عله
مو شرط الكعد ديوان
يعرف قيمه الدله