هنا

[فقد الاحبه]

فقرة #عندج علم
عندج علم اذا انتي صارتلج طلعه مستعجله وباوعتي على نفسج بالمرايه ولكيتي وجهج جاف ومقشر وتعكر مزاجج وضجتي لا ابدا لزعلين عدنا الحل بمجرد ما تخلين ملعقتين طعام مي ورد وملعقه حليب ودلكتي وجهج بيها وبعد ربع ساعه غسلتيها راح يخف الجفاف بشكل رهيب زين عندج علم اذا طلعتلج حبوب بوجهج وانتي ماعندج امكانيه تشترين ماركات غاليه مثل سفن ان او زيت الاشجار ..! الحل كلش بسيط تكدرين تستخدمين الليمون والطريقه سهلة جدا اقسمي ليمونه واعصري نص منها وجيبي فرشه مكياج متستخدميها وحطي على مكان الحبوب فقط واستمري لمدة اسبوع يوميا وراح تختفي الحبوب ان شاء الله عندج علم سندوسه..انو اذا عندج شوز رياضي او مدرسي تكرمين وحوافه متوسخه بشكل وحاولتي تنضفيها بس متنضفت اووك سهله تكدرين بكل بساطه تجيبين اسيتون مال اضافروتحطي على قنطه علمود لتسحب المادة وتمسحين الحذاء تكرمين اذا ماكو اسيتون هم سهله معجون اسنان وحطي بصحن صغيرة وتجيبين فرشه اسنان متستعمليها وتفركين الحواف الي ميطلع منها الوسخ عندج علم فتون اذا حطيتي مكياج وانتي تخافين مكياج ينزل او يسيح او يبقع تكدرين تستخدمين بودرة شفافه مناي كوزمتك تكدرين تجيبيها واذا ماعندج بودرة شفافه عادي استخدمي بودؤة الاطفال.



اختكم فقد الاحبة

[specialtoma]

شكراً سندوسه

[فقد الاحبه]

شكراً سندوسه

نورتي سندوسة