الحكواتي تحت الخيمة الرمضانية ( قسمة ونصيب ) .. * الجزء الثالث *
بسم الله الرحمن الرحيم
اللهم صلِ على محمد و آلِ محمد
السلام عليكم ورحمة الله و بركاته
صيام مقبولاً وافطار شهياً
شلونكم اليوم
اكيد منتظرين الجزء الثالث من القصة بعد ماشفتوا
الجزء الاول
والجزء الثاني
و للتذكير كُتب بواسطة أخي أحمد الكرعاوي
أنتهى الجزء الثاني بمحاورة محمد وحنان بشأن زواج نهى
نعود اليكم مع قصة قسمة ونصيب و الجزء الثالث
محمد : بس زواج أختج قبلج معناتها راح الكل يكَول عنج عانس و أنها بعد محد يقبلها
حنان : خل كلشي يكَولون المهم أني اروح وراها أختار الصح ! وحتى إذا صرت عانس أحسن ما أتزوج واحد ما أريدة ويطلع مو خوش
محمد : يصير خير
أجة فراس وجلال و أبوهم وعمامهم محسن أستقبلهم هو و أبوها كَعدو اسوه
نهى : حنان خايفة أبوي ميقبل
حنان : أتحداج إذا رفض
نهى : يعني حاجيتي
حنان : أي وقنع
نهى شبكت أختها من الفرحة وحنان فرحت لسعادة أختها نهى
بعد نقاش وكَعدة قبل محمد ينطي نهى الى فراس
سعادة رهيبة بداخل فراس
جلال : شايف كل الخير
بعد معقد الشيخ راحوا و الطرفين فرحوا و أنسعدوا
يوم المهر الساعة ب ( السبعة ) الصبح كَعدت نهى حنان : حنان أكَعدي بسرعة
حنان : شكو شتريدين ؟؟
نهى : اليوم أروح أشتري جهاز العرس و أمي مريضة و كَالت أخذي حنان
حنان : و أني شمعرفني بالعرس
نهى : لا أنتي بس تروحين و الباقي علية
حنان : أف .. أوكي خل أبدل
أجة فراس و جلال وصلوا و طلعت نهى وحنان
حنان وكَفت : هذا شيسوي جاي ؟
نهى : غير يوصلنا لعد تريدين نروح كراوي؟
حنان : أستغفر الله
صعدت حنان ونهى ورة ومشو
جلال : نهى لعد أمج وين ؟
نهى : أمي مريضة و كَالت أخذي حنان
جلال بصوت ناصي : هي هنا الورطة
حنان : سمعتك
وصلوا للسوكَ و نزلوا من السيارة
جلال : راح أفتر شوية بالسوك و أرجع هنا أنتظركم
راحت حنان وفراس ونهى وجلال طبكَ سيارته وراح هم للسوكَ
بعد ما أشتروا الذهب و مستلزمات العرس
جانت حنان بس مخلينها تشيل العلاليكَ وتمشي وراهم : طلعت جايبيني حمالة حطب .. يلا خل أتحمل لحد ما تتزوج و أخلص منها
جان حنان صاحت عليهم : ترى تعبت و الجو حار و خل نرتاح شوية
بس مسمعوها بعد ساعتان من التجوال رجعوا للسيارة وجان جلال منتظرهم
نهى : حنان خلي الغراض بالجنطة
التفتت ملكَت حنان : حنان وين !!
نزل جلال : أكيد بالمغاسل
فراس : ولج نهى حنان من جنة بالسوكَ ما جانت و رانه
نهى : حنان تاهت ؟
جلال : هي تعرف الكَراج هسه تجي
أتصلت عليها نهى بس جان جهازها طافي شحن أنتظروها ربع ساعة وحنان ماكو
جلال : أنتوا أبقوا أهنا راح أجيبها و أجي
راح جلال وبقت نهى و فراس كَاعدين بالسيارة
فراس : أحسها فرصة حلوة حتى نظل لوحدنا
نهى : شتحجي أنته أختي تايهة و أحتمال أنخطفت
فراس : ههههههههه ضحكتيني ومنو الله كارهه حتى يخطفها
...............................
هل سيعود جلال مع حنان ؟
أم هل تكون حنان مخطوفة ؟
أم سقطت على الارض بسبب شدة حرارة الشمس و الجو الحار
...............................
هذا كله ستعرفونه في الجزء القادم
أبقوا بالقرب
كونوا معنا
أنا أبو بنين للتصميم
في الجزء القادم الذي سيكون أجمل و أشوق
رد مع اقتباس
المشاركة الأصلية كتبت بواسطة سارهـ الطائي
