نصائح للبنوتات
هلو بنات
1- لا تحجين بصوت عالي بمكان هادئ حتى تجذبين اهتمامهم او حتى يحسون بوجودج ... بهدوء احجي وبصوت معتدل
2-من تكعدين عدلي ظهرج وجنطتج خليها على احد جهاات الكرسي لا تخليها بالكاع ولا ع المائدة ولا ع المكتب حتى يشوفون جنطتج ترا المحيط ينتبه على ترتيبج مو جنطتج الحلوة
3- اذا شخص اعجب بملابسج او مداسج او جنطتج لا تقللين من قيمته مثلا "هههه اشتريته من الباله بألفين ونص اخو الجديد" ...كولي شكرا هذا من ذوقج/ك
4-من تمشين خلي خط وهمي عدل تمشين بيه بطنج شافطتها وراسج عدل وبتواضع تتحركين مو بغرور ترا كلما تواضعتي كلما بينتي للناس مدى ثقافة عقلج
5-من تشربين شيء لا تبينين للناس انج نازكة زياده عن اللزوم اشربي بطبيعتج وحاولي قبل الشرب اتسفطين كلنس واتخلي بأيدج تجنباً لأي احراج
6-من تاكلين لا تحجين ولا تفتحين حلكج احياناً يطلع لعاب بطريقة عفوية يخليج بموقف محرج فتجنباً لهسالفه كملي اللكمه وجاوبي بكل هدوء
7-من تقاطعين احد رغم بينكم ميانه بس كولي اذا سمحتي او اذا اتفضلتي او اقاطعج بخير
8-من اتشوفين طفل وانتي بمكان عمل لا تبينيلهم مدى حبج للأطفال وانتي طفله داخلياً تهجمين عليه حتى تبوسي وممكن يفشلج وينهزم.... من ياخذ ع الوضع ويبتسم بوجهج تكدرين اتأشريله يجي واذا مأجى لا تلحين
9-ابداااااا لا تصعدين قبل الشاب ليكولج اتفضلي اصعدي قبلي بالدرج لأن حترتبكين وتتوقعين يباوع ع رجليج المفروض اتكوليله من بعدك لراحتي ...او لا وراك اريحلي وانطي ابتسامه خفيفه
10-من اتكعدين وتتنفسين لا تتنفسين من بطنج لأن الكرش يخرب الكعده خلي نفسج من صدرج
رد مع اقتباس
المشاركة الأصلية كتبت بواسطة انثى بلا قصر
