هنا

[ثامر الحلي]

اليوم جايبلكم سالفه أخت الصدك ههههههه

أكو واحد من اقربائي عمره 30 سنه يتيم ومثل مايكولون من أهل الله كاعدين هو وامّه وحدهم فد يوم رحتلهم زيارة وكمنه نسولف آني سألتهم عن اوضاعهم .. الأم كامت تشكيلي على ابنهه تكول وين مايشتغل مايدبرهه بلكي تاخذه وياك واريدك خويه تطلّع عينه بلكي يتعلم من الدنيا .. آني رحبت بالفكرة كلت أكسب بي ثواب مثل مايكولون .. وقبل مااطلع من يمهم كلت للولد باجر أمرلك العصر ونطلع بمشوار .. المهم ثاني يوم العصر رحتلهم ولكيت الولد متحضر وكاشخ لابس دشداشه معدله وينتظرني .. خليته بالسيارة وطلعنه على اساس نريد نروح نقره فاتحه ونرجع .. قبل مانوصل للفاتحه وصيته كتلله شأسوي انتَ سوي مثلي كاللي خوش .. من وصلنه للفاتحة لكيت اهل الفاتحة ناصبين جادر .. طبيت آني والولد يمشي ورايه كلت السلام عليكم وهو هم كال السلام عليكم وقبل مانكعد جان البساط مال الجادر معكرف وبهاي الاثناء آني عثرت وضربت دقله بنص الجادر وجان الولد من يمه هم الزم واضرب دقله ورايه هههههههه لااكللكم ولاتكلولي صرت اسماعيل ياسين ، بويه منين اجتني هاي الطركاعه ، المهم من رجعنه اشتغل العتاب كتلله للولد ادري آني عثرت انت شبيك ضربت دقله من يمك هو كاللي جا انته مو وصيتني شتسوي اني اسوي مثلك ، المهم استغفرت ربي ورجعته لأمه وهذا يوم وهذاك يوم اذا دكيت عليهم الباب بعد .

[specialtoma]

هههههههههههههههههههههههه
نايس

[أزل]

هههههههههة قوية والله

[ثامر الحلي]

هههههههههههههههههههههههه
نايس

نورتي عمو

[ثامر الحلي]

هههههههههة قوية والله

اذا قوية اشو ماكو زوار
شكرا عمو

[ثامر الحلي]

نظراً لكثرة الردود سوفَ يتم غلق الموضوع

[هــاجــر]

هههه اخت الصدك..حلووه

[Scrap]

ههههههههههههههههههه يذكرني بفلم مصري

[ثامر الحلي]

هههه اخت الصدك..حلووه

شتسوين نريد ننسه همومنه حتى لو تصفيط
نورتي

[عامر رشيد]

هههه حلوه ..

هاي سالفه هم أخت ألصدگ ..
أيگلك أكو جندي أمخلينه عله ألبي كي سي ..
وطالعين واجب .. وتعرف أنته ألسيارات تمشي معدل من يطلعون ..
ألمهم أملاگيتهم طسه أثناء ألطريق ..
فالسايق مامخفف من السرعه طالع گبل ..
ويگلك أخونه الجندي من شدة ألطسه ..
طافر من الكرسي ولگوه حاظن ألتبليط ..
لا هواي حررنه المناطق المحتله ..
تحياتي لك أخ ثامر ..