هاي السالفة من جنت بالجيش .. مره كعدت الصبح اريد اروح للتانكي مال الماي على اساس اريد اغسل وجهي وارجع للريوك لأن قبل بالجيش ماكو مغاسل مثل ماتعرفون .. بعدني ماواصل للتانكي مال الماي ماأحس اله نشلت ليفوك ونلطشت بالكاع .. آني ظليت مذهول شنو هاي الطركاعه .. اباوع يمنه يسره ماكو واحد يمي آني حسبالي الانضباط مال الآمر لطشني بدفره معدّله.. كولو وصلت للتانكي غسلت وجهي ورجعت ومااحس الا بنفس المكان نشلت وندكيت بالكاع .. ضليت صافن شنو بويه حالف بالعباس جذب وآني ماأدري.. شبي هذا المكان مدفون بي سيد .. مزروعه بيه نبكايه ..كولوا يمكن ضليت بحدود الربع ساعة اني اتبحرث بالكاع ومذهول .. اثاري طلع كيبل مال كهرباء مكطوع ومشمور بالكاع ومرتين دست عليه .اوف يابه ماتنوصف حالتي انشليت تماما مو نتله تكول نزلت عليه صاعقه من السماء ..وهس خلصت السويلفه وعلى كولة ابو علي هذا واحد ماتعرفوه ولااني اعرفه
يكول الي يحصل نتله بهلوكت يصحى
رد مع اقتباس
المشاركة الأصلية كتبت بواسطة عدنان الواثق
