سواء الكرادة او غيرها
هي كلها شهداء العراق .. سواء لكاعد بالقصر لو لكاعد بخيبه ، اثنينهم راحو شهداء .. ويم ربهم يرزقون .. بطلو هل نقاشات وبس ترحموا الهم ولله يكون بعون هل شعب
الي كل واحد منا منتظر سراه للموت ..
سواء الكرادة او غيرها
هي كلها شهداء العراق .. سواء لكاعد بالقصر لو لكاعد بخيبه ، اثنينهم راحو شهداء .. ويم ربهم يرزقون .. بطلو هل نقاشات وبس ترحموا الهم ولله يكون بعون هل شعب
الي كل واحد منا منتظر سراه للموت ..
يلا اهل البسطيات حضروا شموعكم
يلا يالمصورين اشحنوا كامراتكم
يلا يالمخرجين شوفونا ابداعكم بالاخراج
يلا يالشعراء حركوا اقلامكم
يلا نسوي وقفات استنكار
يلا نبجي كدام الكامرات
يلا نغير صورنا الشخصيه ونسويها سوده
يلا يا احزابنا العزيزة زوروا المكان واخذوا صور يمه
ويلا يا جمعيات حقوق الانسان اتبنوا عوائل الشهداء
يلا ننافق ،، يلا ننقهر كم يوم
يلا ننسى ورة فترة
ويصير غيرة وننقهر وننسى
" الكراسي تعيش تباً للشعب خل يموت
المهم كرسينا الله يطول بعمرة " الحمد الله
موضوع غايته استجداء للعاطفه فقط :)
.
.
.
ثاني يوم صار انفجار بدائرة التقاعد .. ليش منخلي حداد على شهداء دائرة التقاعد ؟
قبلها بأسبوع بأبو دشير اكثر من الشهداء مال الكرادة ، .. ليش منسوي حداد ع شهداء ابو دشير ؟
.
م نباوع ع الاماكن والناس البسيطه والعاديه بس من يصيب الناس السمعه شي نخبص روحنا ونموتها ونسوي حداد ونحجي
لان احنا ندور بس مضاهر ، اللي اله الله منشوفه ولا نعبره ، واللي كلشي اله نتلوكله ونتأثر عليه اكثر
.
.
وشي ثاني ، احنا شعب ، مبيييه خييير ابد
لو المرجعيات يحركونا لو الكل مخلي رجل ع رجل ،
جماعه عمار من يطلعون لازم جماعه مقتدى ميطلعون ، من يطلعون جماعه مقتدى جماعه السيستاني لازم ميطلعون ، من يطلعون جماعه السيستاني جماعه ...الخ من المرجعيات
.
.
شعب فاشل.. وبجدارة .. اقصى ما بيدنا انو نغير صور بروفايلاتنا ع حداد، بس الكل فالحين بس بالحجي .. يخي لا ندور بس كرادة وخضراء وجماعه فلان وعلان ، خلي نكون عادلين وصادقين ويا نفسنا و ويا غيرنا .. عشرات الناس دتستشهد يوميه بانفجارات وحوادث وع السواتر لا بس نحجي ع الاشخاص والاماكن السمعه .. والصوج كله بينا مو من الدوله لان احنا انطيناهم هالمجال حتى يستغلونا ويسوون بينا هيج ، احنا سبب كل اللي يصير بينا :)
.
.
والله يرحم جميع الشهداء ..
التعديل الأخير تم بواسطة ^-^بطيخة^-^ ; 31/May/2017 الساعة 11:13 pm
احنا شعب عنصري وطائفي حتى بالاموات ، ليش تترحمون ع شهداء الكراده؟ كأنما هم من بلاد الواق واق مثلاً والترحم عليهم مُحرم
...
الكرادة او غيرها الي راحو بشر ، ارواح ، اطفال ونساء وشيوخ ...
منحتاج ثورة ع سياسي او طاغية او حاكم ، نحن بحاجة الى ثورة على الشعب نفسه ..
الكل ينتقد الاحزاب و الفساد و غيرها ، الخلل مو بيهم و انما بيك ، انت صعدتهم
هسة تجي الانتخابات و نفس اليعلقون لحب و مصلحة العراق يرجعون ينتخبون نفس الاحزاب الشيعية و السنية و القومية و غيرها .. طبعا اذا حب يصير شوية ديمقراطي بس يغير باسم الشخص بس يبقى بنفس الحزب
شعب امره مو بيده ، شگالت المرجعية و شگال السيد و نفس الاسطوانة كل سنة
اني اكولك شنو الحل
لف راسك ونام
العراق يحتاج الى حزب علماني مؤمن بالله و ينبذ تدخل الدين بالدولة... يكون شعاره... الدين لله و العراق للعراقيين.
لا فرق بين عراقي و آخر إلا بما يقدمه للعراق.
حزب يحترم حقوق الانسان و حقوق المرأة.
حزب يعتبر الانسان العراقي داخل العراق سيّد.
حزب نزيه اليد ، نزيه الفكر ، ذو عقل متفتح.
.......
فهل انتم على استعداد للانظمام لهكذا حزب؟
رحم الله شهداء العراق جميعاً
بس ذكرتني بوقت النظام الالمشاركة الأصلية كتبت بواسطة دكتور جميل
مقبور اكو هذا الشعار عدم تدخل الدين بالدوله
واطابقك بالراي
هذا الشعار تطبقه كل دول العالم المتحضّر...
ومن يخالفه ينحدر الى الدرك الاسفل.
رحم الله شهداء العراق
لانهم لا يرغبون بايجاد الحل فاغلب المنفذين لهم علاقه باحزاب سياسية وكتل تقتات على الازمات وجثث ودماء الابرياء ليكون مصير الشعب مرتبط بالراحه النفسيه لقاداتها فان تصالحم وجدنا الامان وان اختلفوا الجثث والاثلاء على ارصفة الطرقات
رد مع اقتباس
