حبك بقلبي عن شتاء النـاس أدفيـه


اللي حصل ماهو بكيفـي ولا آبيـه
دنياي ما تسوى إذا صـرت زعـلان
تدري غلاك إذا زهـم كيـف البيـه
يفـز لــــه قلبـي ويهتـز طـربـان
شهر وكنـه عشـرة أعـوام أربيـه
حتى كبر مابين رمشـي والأجفـان
لفيـت كالحمـى وجمـرك تواريـه
بأوصال جسم ناحـل حيـل هلكـان
لهيب شوقـك لـو تحـاول تطفيـه
يفضحك جمر متّقد فـوق الاوجـان
في ظنك انك تدفنـه وأنـت تحييـه
ضامي ثراك يموت والغيـث هتـان
حبك بقلبي عن شتاء النـاس أدفيـه
وحبي معك في صايف الخلق بـردان
ربيع شوقي أحـرق القيـض كفيـه
وفجري ينام بخوف والليل سهـران
ضجيج حكيي قيّد الصمـت رجليـه
وراوي حناني مـن تغليـك ظميـان
مدام خصمي قاضي كيـف أقاضيـه
خصم وقاضي وأخر الوقـت سجـان
لا صرت فاقد شئ وشلـون تعطيـه
تطرد سراب الوقت وتموت عطشـان
إنسان ميت من غـلا كـان يرجيـه
وعشق يموت بصمت في داخل إنسان