(العَزيزه)
يهلال المسره وياصُباح العيد
يااعذب اسم واجمل من الورده
ياصدر الحنان وياصبر ايوب
ياروض المحبه الزاهي ابعطره
ياحضن الامان ويانسيم الصيف
قله ابهل الوكت واحد عرف كَدره
يالحكَج ابحك الباري مقرون
موخسران الج واحد نذر عمره
دكَليلي ييمه شلون اجازيج
جميع اعمالنه متساوي الذره
شجازي الحمل تسع اشهور
لويوم المخاض وياصعب امره
لوسهر الليالي للصبح وياي
دلل لول الولد وعيونج امسهره
ولومني الآه انتي تسمعين
نحيب الليل كله والدمع يجرى
ولو حر مرعليّ بيدج تهفين
ونخوتج ياعلي لوليدي اتحضره
رغم تعبج التعبي ماتجزعين
تشميني ابلهفه ودوم مبتشره
وحق الله ييمه ابروحي اباريج
شما طال العمر مهما الوكت يزره
شيسوي الولد لمه اويوفي الدين
يجازي ارباج والدر ذاك ويبره
لجن صارت الام ابهاي الايام
شبه القلم ينذب لونشف حبره
رد مع اقتباس
