هنا

[فقد الاحبه]

نصائح رمضانيه عامة"

١- حاولي انو تقلللين نومج يـ؏ـني مو تضلين الليل كله سهرانه و النهار نايمه لحد الفطور بحجه رمضان وتعبانه تره رمضان مو للنوم كعدي الصبح ب٨:٠٠ هو وقت كلش مناسب لانو هواي أطباء يكولون أنو النهوض الساعه ٨ مناسب للجسم

٢- كعدي غسلي فوتي ساعدي امچ او اختج اذا عندج جهال او احد فاطر جهزيله الريوك رتبي و نظفي اذا عندج شي بالمجمده طلعي حتى يلحك يموع

٣- حاولي لتلتهين بالتلفون اذا عندچ وقت زايد فتحي القرآن وكعدي اقري أنوي انو تختمي وحسب اكو ناس تختم مره وناس مرتين وااكو اكثر بس خلي اصرارج قوي مو صفحتين باليوم خلي وره كل صلاه اقري شكد متكدرين

٤- صلي الصلوات بوقتها لتفوتيها تره الحسنات مضاعفه بهذا الشهر و اذا اطلعين سوك او اي مكان استغلي وقتج بالتسبيح تره التسبيح بالسوك برمضان أو غير شهر أله حسنات مضاعفه

[فقد الاحبه]

٥- بما أنو احنه بهل شهر نبطل عادتنا السيئه فحاولي تتخلين عن ولو وحده منها حتكونين مسويه أنجاز

٦- طلعي ابداعتج بالطبخ نوعي بالأكل لتمشين على صنف واحد وحاولي تبتعدين عن الأكل الجاهز والعاصير الجاهزه

٧- بالفطور ابدي بالتمر اعرف اغلبكم ميحبوا ويبدون بالمي وهذا شي غلط لانو ألمي شكد بي فوائد من تبدين بي تنعكس فوائده بينما التمر يسحب كل سموم الجسم اخذي ولو تمراية اشتري الصنف الي أنتي تحبي حتى تاكلي وذا تحبين سوي حلاوه التمر واكليها

٨- وره الفطور لمي السفرة وحطي كلشي بمكانه و غسلي المواعين مـو كلسع تكولين بعدين وما بعدين وراها روحي صلي وفتحي القرآن أقري قدر المستطاع وبعدها اخذي استراحه اذا عندج مسلسله بس مو تصطريهن ستين الف مسلسله

٩- من تكعدين على السحور مو تاكلين أكل جنچ وحده توها شايفه أكل ولله شنو حتى مااجوع لج هو كله يروح ماله دخل حاولي تاكلين اشياء خفيفه البان فطاير شي زايد من الفطور بس مو دجاج ومدري شنو اذا تحبين هم سوي لحم بعجين بالزعتر والجبن

١٠- من تسحرين مو تاكلين لحد الأمساك وراها تنامين لا انتضري يأذن شويه وروحي صلي تره صلاة الفجر راحه نفسيه

١١- استغني عن المكياج خلي هذا الشهر بشرتج تتنفس تكدرين تحطين واقي شمس أو كريم مرطب أو برايمر

١٢- أإأذأإأ جنتي تحجين ويه ولد حبيات بدون اي رابط بينكم خطوبه أو زواج فهذا يبطل الصوم عادي تحجين ويه اي ولد حجي عادي بدون غزل وهل سوالف

أختكم فقد الاحبة

[ترافه ورد]

شكرا للطرح ست
دمتي لنا بخير وصحه
ورمضان كريم

[فقد الاحبه]

شكرا للطرح ست
دمتي لنا بخير وصحه
ورمضان كريم

تسلمين حبيبتي
ورمضان كريم عليك وع عائلتك وينعاد عليكم يارب بالصحة والسلامة
مشكورة ع التقييم

[عضوية92213]

شكرا غلاي نصائح حلوه......يعني عاادي نحجي ويه شباب بس بدون غزل وهاي السولف هو احنا دأئماً نحجي ويه اخونه الشباب هيج حجي عادي هم ميصير يبطل العصوم لو عادي

[روجـيـنـا ♡]

أحسنتي
ومبارك عليكم الشهر

[specialtoma]

أن شاء لله
شكراً غاليتي ع نصائح

[أزل]

شكرا عزيزتي نصائح ممتازة

[هــاجــر]

اصلا حرام اسوين اكل للفاطر
طبعا ولا مره حجيتي نصيحه واني ماشيه بيها مستحيل
اساعد امي خل امي اساعدني سحور وفطور كله عليه

شكرا ع الموضوع الجميل

[فقد الاحبه]

شكرا غلاي نصائح حلوه......يعني عاادي نحجي ويه شباب بس بدون غزل وهاي السولف هو احنا دأئماً نحجي ويه اخونه الشباب هيج حجي عادي هم ميصير يبطل العصوم لو عادي

نعم الكلام المحتشف والعفيف والمحافظ على الحدود الشرعية للعلاقات الاجتماعية مع الاقصار على الضروري فقط فليس فية حرمة شرعية علما حتى وان وصل الى الحرام ليس مفطر ولكن ماثوم

شكرا لحضورك عزيزتي