هنا

[عامر رشيد]

ماعرفك ولا شفتك ...
ولا عندي حچي ويــــــــــاك ...
اذر جرحي ملح واصبر ...
واگص گلبي اذا منساك ...
اهدم كلشي شيدناه ...
واشد الساني الترجـــــــــــاك ...
اسحگ عله گلبي اسحوگ ...
متوهم چنت بهـــــواك ...
اكحل عيني بالتيزاب ...
اذا تبچي عله فرگــــــــــاك ...
اگطع گلبي من عرجه ...
هذاك الراد امس يفـــــــداك ...
العن ابو ذاك اليوم ...
البيه شفتك حبيبي اهنـــــــــاك ...
منهو انتــه وتعذبني ...
وتريد اني ابتلي ابلـــــــــواك ...
مو انته ضوه أعيوني ...
شنهو الغيرك وشجــــــــــاك ...
اذا ماعندك استعداد أتحب ...
متگلي مــنو وازاك ...
الحب اخلاق يالغالي ...
هدية ربك بدنيــــــــــــــــــاك ...
الظاهر بعدك ازغير ...
عله هذا الحچي اللي جاك ...
لكن لايهمك روح ...
شوكت ماتختنگ حيــــــــــــاك ...
العرب گالو المايگدر...
يجازي بالظلم عابــــــــــاك ...
روح الله يسهلك ...
ينور دربك ويرعــــــــــــــــــــا ك ...
بس بكلمه اذكرنك ...
لاتظلم تره يبــــــــــــــــــــلاك ...
ربنه عادل بحكمه ...
وانته اذبحت من حبـــــــــــاك ...