ابو السايبا والشيف adnan
اولا سلام..
من العنوان واحد يمكن يتبادر لذهنه فد عدة اسئله قد يتنبأ بمحتوى القصه الجديده بس يكول شجاب ابو السايبا على الشيف وانتم تعرفون الشيف يعني طباخ ماهر مو وعدنان شجابه بالنص تعالوا وياي وافتهمو السالفه ...
مره وحده مو مرتين لان بعد ماكررها ابدأجرت واحد حباب سايق سايبا واتفقت وياه يبقى وياي اروح نسوك مسواك توب لان نويت اسوي عزيمه مرتبه لاصدقاء اعزاز عليه ومن محافظه اخرى فلازم اقوم بالواجب على اكمل وجه ومشت الامور على حب الله وراحت السايبا ادكدك لحد ماطببتنا بالسوك وعمك زين وخالك زين كول اسوكنا شبقى بس الدجاج لان ربعي مايكلون اللحم الاحمر اعرفهم زين
فكول طلعنا من السوك قاصدين ابو الدياي ههههه والحمد لله طكينالنه اربع دجاجات معدلات وكملنه رجعت السيوبه ادكدك وصلتنه المن للبيت فنزلت انطيته الكريوه وباسه وحطه ابجيبه ونزل وياي خلفله عليه يعاوني عالمسواك فصحت بالبيت محد موجود اظاهر طالعين وين ماادري بس العزيمه تخصني والخطار قريب يعني ساعات ويجي لازم نكمل الطبخ بسرعه فشكلي السايق انت ليش محتار اتحب اعاونك عالطبخ اني اتفاجئت شنو الموضوع هذا شمعرفه بالطبخ فكلي لاتستغرب اني بتاع كلهخليها وراي واني ماكلت باطل ومضطر فكلتله توكل ياخالي
وبعد مااستراحينه وشربنه باردات وجم سالفه وضحكه كلي لاتضيع الوقت وخلينه نبلش بالطبخ كتله اي والله عمي ههههههه....بس اني اترخصت منه بدلت ملابس الشيفوكتله خالو شنو دوري كلي عليك بس تباوع ومن اطلب منك شي تسويه كتله مو تامرني .
..وبلش كطع البصل ثرم الطماطه مدري شنو والجدوره كامن يفورن كول بهل الاثناء اندك الباب لنه الحجيه جايه ها يوم شكو ماكو كتله حجيه ادخلي من باب الاستقبال لان الخطار بالمطبخ!!!!!! ههههههه كلتلي شلون
فكتله ها خويه انشالله خير كلي كله تمام حضر السفره
فكتله عيني الحجيه اجت وانت ماقصرت فالف شكر الك وهاي اتعابك ولاتعتبرها شي بس هذا اقل من الواجب فصاحبي ماقبل ياخذ المهم مشيته وشكرته وراح الله وياه ورجعت صحت الحجيه كتله دبريني الولد جايين بالطريق فانتي رتبي الامور والحجيه كامت ولزكتني بالحايط وكلتلي ولك انت ماتجوز من هاي السالفه شنو تخبلت جايب رجال لاتعرفه ومخليه يطبخ ولك تعال شنو هذا الطبخ ولك راح تفشلنه واني كتله حجيه شكو شبيه الطبخ المهم طلع الخال لاعب طوبه والدجاج مامستوي مدري شلون وماعجب الحجيه وترزلت من وراه المهم اصدقائي اجو ي فبعد الترحيب بيهم وهاي وكعدوا ومدري شنو الحجيه اصب الاكل وترزل بيه وي كل ماعون احصلي فد كلمتين ناشفات طبعا الحجيه سوت فرمته
للطبخ كله الي طبخناه اني الشيف عدنان والخال ابو السايبه
..وبعدين اضطريت شسوي البيت فارغ محد موجود شلون فانحرجت واني مسوك بعد مابيها مجال اجيب اكل جاهز وابو السايبه سوالي واهس ورهمت ....وهس فحطت حيل من الطبخ ومن الكتابه تجون هلا بيكم ماتجون الله وياكم شتحجون اني قابل بس هالله هالله بيه ترى اخيكم
بالمناسبه القصه من تاليفي واخراجي واعتقد راح اتعلم الكذب مستقبلا
رد مع اقتباس
)
المشاركة الأصلية كتبت بواسطة the investigator
لو ما هيه جان رحت بيها