هنا

[ارجع يازمان]

توب ااابندامه
*****
توب ابندامة
وأنته ابسلامه
لا تندم ابيوم القيامه
تووب ابندامة
----

يا ابن ادم تَفكَر_ واغتنم زهرة شَبابك
كبل لا منكر يسألك! وانته تحتار بجوابك
اهناكه جذبك ماينفعك _ابعينك اتشاهد عذابك
تشهد الكتاب
عنك يَكَذاب
متنفعك ادموع الملامه!
توب ااااابندامه

.........
يا ابن ادم تبصر. لا تغرك دنيه شينه
الدنيا مادامت لاهلنا- وابد ما تبقه بادينه!
لا شباب البيها يبقى . لا خفيفه ولا رزينه!
بس تبقى الاعمال
وكلمة التنكال
وكلمن يذِكرونه ابكلامه
توب اااابندامه
...........
شفت الكبور وزرتهه. وانته باجر يزورونك
اعمل الاخرتك ابجد. قبل لا تغمض اعيونك
حفرتك محد يطبها. اشكثر اهلك يحبونك!!
اهلك يدفنوك
ابسرعه ويعوفوك
اتضل وحدك اليوم القيامه!
توب ااابندامه

........
يا ابن ادم افلوسك _صدك بالدنيا تفيدك
غاد ياصوره اجمعتهن_عله نفسك تشهد ايدك
وبالحشر يتبرئ منك- الجان بالدنيا يريدك!
شوف اهل القصور
ناموا بالكبور
ما واحد ايدوم ابسلامه
توب ااابندامه

..........

هذا حيلك لا يغرك-وجسمك وصوتك العالي
حيلك الماظن يعمر_تالي وتصير اتكالي!
ماتضل غالي بحياتك_ترخص ابجور الليالي
وجسمك يَمكرود
من حصة الدود!
لدود تالي انتَ طعامه!!
توب ااابندامه

..........
إذا الله انطاك قوة__ انفع اليحتاج قوتك
وإذا خيرك زاد ريض_ لتكبر على اخوتك
مثل ما للدنيه مهتم_استعد واهتم الموتك
مينقذك المال
لا كثر العيال
ما تنشره اهناك السلامه
توب ااابندامه
..........
يا ابن ادم تفَكَر _واستعد لأسوء مصير
اهناك ما تنفع الرشوه_ابغير حقك ما تصير
اهناك امك ما تفيدك_كلمن ابحاله ويحير!
اترك الشيطان
وامسك القران
مايخسر الماشي ابنظامه!
توب اابندامه
...............
بقلم
حسين االساعدي