هنا

[فقد الاحبه]

#نصائح_لفدافيد قلبي
#ديري بالج تسويها


سنودساتي شلونكم ليوم الفقرة للمتزوجات فقط وحتى الحدايق تكدرون تستفادون للمستقبل يعني #ااااااممممممح هلاو عسولاتي فقرة دير بالج تسويهه اليوم حتكون خاصه للمتزوجات والحدايق مو تزعلون وعد مني اسويلكم فقرة الكم هماتين انبلش وياكم على بركة الله


️ 1-عيني سندوس دير بالج تسويهه من تردين تطبخين شي لزوجج وانتي معصبه تره وعيونج الاكل يطلع يلعب النفس اهدي شوي وارتاحي وبعدين اطبخي حته رجلج يحمد بطبخج كدام اهله وانتي اطيرين من السعاده بس لا طيرين هوايه بعد ماالكاج بالفايبر والكروب


2-ودير بالج تسويهه من تطبخين وتنظفين البيت تبقين هيج ومتعدلين حالج ترى رجلج يهج منج صدكيني


3-دير بالج تسويهه زوجج يرجع للبيت متاخر وتگلبين خلقتج بوجهه ترى اذا تكلبين خلقتج هو يگلب ظهرا ويهج من البيت خليج مبتسمه وشوفي شنو سبب تاخره من يهده ويسمع منج كلمه حلوه

[فقد الاحبه]

4-دير بالج تسويهه توصين رجلج على شي وينساه وتضلين ادردمين مثل العجوز الماكلين عشاها اي اي انتي عليج الكلام عادي ينسه هالمره يجيبه الج ثاني مره الدنيا ما راح تنكلب

5-دير بالج تسويهه من تدخلين غرفة النوم اتضلين اتنوگين براس رجلج امك هيج وامك هيج ترى الرجال اول حب بحياته امه يعني لازم تحبيهه حته لو هيه مو خوش وياج صيري انتي زينه واتحملي وشوفي


6-ودير بالج تسويهه الكلام اللي يصير بينج وبين رجلج بالغرفه يوصل لسابع جار لاعمري لا خلي بالغرفه وخليج ستر وغطا على رجلج حياتي محد يفيدج وانتي تعرفين كلش زين


7-ودير بالج تسويهه تعاندين رجلج كدام اهلج لو اهله والله ينكلب عليج طنطل لان هنا الشغله حتصير شغلة رجوله لازم يثبتهه الهم لذلك خليج طيوبه وحبوبه واسمعي الكلمه عفيه بشطوره

8-ودير بالج تسويهه وتكولين لرجلج ليش فلانه احسن مني وفلان هيج يسوي ويه مرته لان بهاي الحاله حتكون ردت فعله مو حلوة وراح تسمعين ردود جارحه حاولي توصلين اله الشغله بطريقتج الخاصه

9-دير بالج تسويهه وتضلين تحجين على اصدقاء رجلج وتتعاركين ويا علمود يقضي وقت وياهم هواي وماعرف شبيهم ترى كل ممنوع مرغوب يعني كل ما اتضلين تحجين عليهم يتمسك بيهم اكثر من قبل

10-دير بالج تسويها واطلعين اسرار علاقتكم صديقه او جاره اذا ماعندج ثقه ترى ياما انهجمت بيوت ..

[99999]

اقولش يازين العزوبيه بس

[دكتورة وطن]

ههههههههه شكرا فقدوش

[ضياء المالكي]

لو حافظت المرأه على هذه النقاط لأتوقفت كل مشاكل العالم

[Ćat]

ماكو نصائح للرجال؟!:1

ع هل الحاله ، نبقى بالعزوبيه احسن


يسلمو ورده.

[فقد الاحبه]

شكرا لحضوركم جميعا