اولا سلام
طبعا القصه لزرع الابتسامه
الصورهالي تشوفوها مااعرف نوع جنسها ذكر ام انثى جبتها ولطشتها على اساس فاره وهاي هيه ..........وهي التي ستكون بطلة هذه القصه اتمنى ان تنال استحسانكم ولو قليلا لكن فقط للتنويه انها قصه حقيقيه يعني مضبوطه خط ونخله وفسفوره
بالبدايه اكتشفت بالصدفه احد قمصاني العزيزات عليه لان بيها ريحة ذكرى جميله بس هاي مو سالفتنا شلكيت بيها فتحات للتهويه اكثر من 10 فتحات وبصوره غير منتظمه فسالت عن السبب واني جدا غاضب فكلولي يابه الفاره هي السبب واهنا بدى التحدي يشتغل عندي وقررت واقسمت بالطلاق الا ارتكب جريمه بشعه بهاي الفاره واذيقها العقاب حتى تكون عبره لكل انواع الفار بالعالم يعني الشغله واصله للعظم مثل مايكولون..فتعالوا شوفوا عدونيي شسوى طبعا طرق التخلص من الفار هواي لكن حبيت القي القبض عليها وهي حيه ومتلبسه بالجرم المشهود حتىى خاف يطلعلها كرايب منا منا ويدورون فصول فقررت اكون حازم وقانوني بنفس الوقت طبعا طولت عليكم السالفه بس ميخالف تعالو وياي والله ماادري وين اروح بس اسمعوا ...هس غير تحجي وتفضنه
اكو طريقة استخدام المواد اللاصقه وهاي خوش سالفه مثل السكوتين ويجلب بذيلها وبعد شيخلصها بس غير كون تجي فجبت اللاصق ونشرته على كارتونه وترست بيه البيت يعني جوى اغراض المطبخ وبقية الاماكن المتوقع تتفتل بيها الفيره صويحبتي وانتظرت واصلا عزلت نهائيا متاني هاي اللحظه وليش ماافتر عالكارتونات والكاها متروسه ابو ابريص وصراصر وكلهن لازكات عفتهن يلاقن مصيرهن وبعدين اشمرهن وصدك وتخطف الفاره وتوكع وي الضحايا ولك صدك جذب والمصيبه بس ذيلها جلب لان مو فرو والفرو يغطي كل جسمها ماعدى الذيل وتاليها والكى الفاره تعيط الحكولي وين اولاد عمي ولكم النشامى ومتوهنه واجيتها بس بكلبي اسولف جاشعبالج من تاكلين قمصاني اليوم الا اسوي ماسوي..لكن فقط اناشدكم ماريد احد يكلي انت قاسي لان مهضوم واخاف اتعصب وانوب اتعرض للمخاطر من ورى الفاره فعيب خلو السالفه ابيناتنه لحد يسمع ههههههه
هس وصلنا لطريقة الانتقام شوفوا كل هذا التعب وتالي طلع كلبي رجيج وساعدتها بس شنو البزون اجرى اللازم ولغفها بلكمه وحده وكلتله عافيات وهاي هيه وهس شعدكم من مناقشات جانبيه تخص الموضوع فاهلا بيكم والي ماعده حجايه هم هلا بيه والي مايجي هم هلا بيه ...مع تحيات المنتقم
رد مع اقتباس
المشاركة الأصلية كتبت بواسطة M̃̾Ũ̾S̃̾H̃T̃̾À́Q̀́
