#قصة_عجبتني
يكولون أكو عشيرة مات شيخها وماعنده خلفة بس وليد شاب صغير ومريض ..
إجاويد العشيرة ظلو حايرين ماعدهم شيخ ...
وكام كل واحد منهم يريد يصير شيخ وكثرو اليردون الشيخة اليوم .......
كالوا أحسن شي نروح للفريضة ونسولفله شغلتنه بلكي يكدر يختار النه شيخ...
إجو للفريضةكالوله بالشغلة.. صفنلها شوية..
و كالهم اليريد يصير شيخ آني أختبره إذا نجح بالإختبار هو يصير الشيخ موافقين ؟؟؟
كالوله موافقين ...
كاللهم كوموا اطلعوا وخل يجيني واحد واحد..
إجه أول واحد كاله شنهي أمس وشنهي اليوم وشنهي باجر ؟؟ هذا ظل يبلع بريجة ماعرف يجاوب ..كاله اكعد.. جيبو الثاني إجه الثاني وسأله نفس السؤال وهم ماعرف كله اكعد..
إجه الثالث والرابع وبعدهم تباعاً وكلهم نفس الشي
..ماعرفو كلهم..
كال الفريضة كلكم خو ماعرفتو كالو أي والله...
كال أدري هذا شيخكم كلشي ما مخلف...
كالوله مخلفله ولد زغير مريض مايرهم شيخ..
كال جيبوه خل اشوفه..جابوه كاله استريح يعمي
اجه الولد تخطه الكاعدين كلهم و كعد بصف الفريضة
سأله الفريضة كاله عمي شنهي أمس وشنهي اليوم وشنهي باجر كال امس ابوي واليوم اني وباجر ابني ..
هذوله الكاعدين كامو واحد يلتفت على الاخر..
الفريضة كال يغاتي هذا الولد هو شيخكم...
ما اطوللكم السالفة ... هسة سالفتنه مو ياهو ليجي يحطله عكال على راسه وكال اني شيخ
عمي الشيخه أصل وتأريخ ووعنوان والشيخ يحفظ أهله اوديرته ..
إحترامي لكل الشرفاء وأصحاب الأخلاق الرفيعة @@قول الشاعر علي الباشك@@
نزل سعر البشوت وكثرة الشيخان اوياهله تكظه يكول شيخ فلان كبلا واحد نعرفه اليحكم العربان هسه تغيرة ياناس من شفنه البيرغ حدرة سبع خوان ... تاه اوتيه ربعه اوياه المايكدره امبين
رد مع اقتباس
المشاركة الأصلية كتبت بواسطة sawsanmahmoud
