كون اوياك أسولف صفنة الليل
صار اسنين ما ناسي الليالي

والناس اشكثر جَرت مَواويل
يا موالك الضَل اعله بالي!

جان ابضحكتك يتجدد الحيل
راح الحيل ذاك وما صفالي

صارت طيحتي ابنص التماثيل
يعني اشتعتقد ياهو الوفالي!

ياصوت الضلع وبكلمة الحيل
وتمنه الكسر فوك الجرالي!

والعوز اليضيع ريحة الهيل
محد جاوب وعافوا سؤالي!

ماردوا عله كل المراسيل!
وكت العازه ما شفت البقالي!

جهالي اجروح تبلع بالمناجيل
إذا كبروا شَوكلهم جَهالي!
حسين الساعدي