هنا

[علي الشمري]

قصيدة رائعة للاخ والصديق الشاعر الرائع حيدر حسين المياحي ..
وقد نسبت ظلماً لكثير من الشعراء !
أترككم مع القصيدة ...

هاي عيون....!
لو دجله وعليها مجلجل الزيتون
هاي عيون....!
لو ذني طلاسم؟
والطلاسم شوف بيهن جم لغز مدفون.

حسنك ما حوت منه الانس والجان
وتدريني بهواك امن الزغر مفتون

نضح عودك محبه وطيب يابو الطيب
والماعون ينضح ماحوه الماعون

حبيتك ترف لامكر لا محتال
ملعون اليخادع بالعشك ملعون

جانون امن اشوفك يطفه بالدلال
ويوم تغيب يدوي أخمصطعش جانون

يردونه نتفارك خوش عدهم راي
مديوف اويه دمي هواك مايدرون

خليها العواذل تحجي هيج وهيج
ما بدل محبتك لو ملك قارون

كول شما حجه لسانك يساهي العين
انه بطوع امرك خادم وممنون

اطلب ما حلالك روحي ! لب حشاي !
صدكني لعيونك كل عزيز يهون

شمحلاته المعاتب عين تخزر عين
وادموع العيون اتكحللهه جفون

الحك شوف مر بيه وحملت الظيم
وانه خلاف عينك للحزن مرهون

خلني بسجن شوكك حد كطاع النيط
هنياله اليموت بشوككم مسجون




اتمنى أن تنال رضاكم

[سعد العراقي راقي*]

رائعة جدا
تسلم ابوحسين
وهاي الصورة بهور الدلمج

[Zahraa AH]

انتقاء رائع. ..سلمت للنقل

[هــاجــر]

الله

[هيثم الغراوي]

الله الله حلؤؤ، ؛

[هيثم الغراوي]

جانون امن اشوفك يطفه بالدلال
ويوم تغيب يدوي أخمصطعش جانون

يردونه نتفارك خوش عدهم راي
مديوف اويه دمي هواك مايدرون

خليها العواذل تحجي هيج وهيج
ما بدل محبتك لو ملك قارون

حلؤؤؤة

[عـــطـــر الـــجنـــــه]

كولش روعه ماشالله عاش نبض قلمه بسلام

شكرإ لك

[علي الشمري]

شكرا لروعة تواجدكم ومروركم
باقات وردي لكم