والله لوما انتم ايروح الوطن
بيد داعش وبغدر هذا الزمن
تستحقون الشهاده
بيكم اتلوك القياده
والعلم لفاكم وصار الكفن
والعلم لفاكم وصار الكفن

--------
ياولدنا ابزودكم صار الامان
والدماء الطاهره اتضوي المكان
مارضيتوا ابدمعة الذل والهوان
مارضيتوا ابدمعة الذل والهوان
الشعب يتباهه بيكم
والوطن عينه عليكم
يادماء المسحت اهموم الحزن
والله لوما انتم ايروح الوطن

----------
العراق ابكبره راح ايزوركم
والشعب عاشك يزور اكبوركم
راحت الظلمه ومشينه ابنوركم
راحت الظلمه ومشينه ابنوركم
انتم اقمار البريه
ماطفت وبكل مسيه
بيكم البستان وَرَد والغصن
والله لوما انتم ايروح الوطن

-----------
ياكرام البلنفس راحت تجود
والعراق ابزودكم صان الحدود
احنه مالين المقابر بالورود
احنه مالين المقابر بالورود
صار بستان الورد
جيش والشرطه وحشد
وبدماكم احنه واجهنا المحن
والله لوما انتم ايروح الوطن

__________
والله لوما انتم ايروح الوطن
بيد داعش وبغدر هذا الزمن
زودكم زود الشهاده
بيكم اتلوك القياده
والعلم لفاكم وصار الكفن
والعلم لفاكم وصار الكفن
حسين الساعدي