...
كف يـ چف فراگهم ..
كف لا تعتني
كفني من جنه وجنت
وياما ناسيها ونستني
لا تكحلني بصورهم ..
وك مراودهم عمتني
.
وعيني ..!؟
عيني لوحه مشرگه
بالك تدگ وتبسمر الطيف اعله چفني
وانه ما عايز حزن ..!
عاين ..!
بعدني بثوب حزني
كفني ..
باعوني رخيص وغيرهم وادم شرتني
رخصوني
ضيعوني
چنت ليره اعله الدرب وعيونهم ما وچدتني..!
چنت ليره اتلوح اعله صدورهم
لاچن كلايدهم شبة ..
وما والمتني
كف يچف فراكهم
عين العشت بيهة انكرتني
گربوني ..
ذبوا الشص ونتل گلبي الجرفهم والسوالف دللتني
.
ذبلوني ..!
وچفلو من عيني حتى النوم ..!؟
طار .. وماخفگ جنحة اعله جفني
يوم الموادع نسوني ..
وحتى روحي المشت وياهم نست ما ودعتني !!
.
لا ترد بيه لدربهم
جيت منه وحيد بس دمعي يزتني
جيت من درب العشگ مكسور خاطر
سحكوا سنين الموده
ومشو گليبي الوفي بسچه خناجر
لبسوا ذنياي غيم ..!
وفروا اعليه الحزن داير مداير
.
كون اشگ گلبي واشوفك ..؟!
چا كلت عفيه عليك
شلون صابر ..؟
جنت شمعه اضويلهم
لاچن عواطفهم طفتني
كاظم اسماعيل كاطع
رد مع اقتباس
المشاركة الأصلية كتبت بواسطة انثى بلا قصر
