حبيــتك رغم
كل المسافات
وآنه ادري بمحبتي ما توفيك
آنه ارتاحلك
من تحچي ويآي
وآنه ارتاح كلــش من احاچيــك ...
هآك الروح
اخذهه وياك للدوم
أخذ عيــني أخــذ كلـشي اليكفيــك ..
وخلينــي بمزاج
أتغزل ويــآك
حته براحتك ويآي أخليــك .

سميتـك حبيبي
لعدة أسباب

لأن هوآي أسامي تجّمعن بيـك ..
شسميك الگمر
أنتَ احله بهوآي
هـلال العيـد يمكـن راح أسميــك ...
من اسمـع ضحكتك
انسـه دنيــآي
چآ يمكــن أموتـن من الآگيــك ...
حبيـّـتك تعال
لگلّبــي خطــار
دگاتــه تصيحـك ما تجي شبيــك ...؟
بس انتَ الحقيقة
العاشت ويآي
والباقيـــن كلــهم جوه رجليـــك ..
وبليــآك؛
مآ أرهـم بليــآك
واذا تبعــد عليه بگلّبي أدنيـك ..
واذا تزعـل
أجيـك زحــف للبيـت
واشلعلك عيونــي وبيـهه أراضيــك
واشلعلك عيونــي وبيـهه أراضيــك