السلام عليكم بنات شلونكم رح اتكلم عن مواضيع تخص الشعر.....
بلنسبه لتساقط الشعر : تساقط الشعر اله عواااامل كثييييييره منها عوامل نفسيه وعامل وراثيه يعني تساقط شعر وراثي او تساقط شعر بسبب سوء تغذيه مثل نقص الحديد ونقص فيتامين دال ونقص عنصر الزنك وخربطه بهرمونات الغده الدرقيه او سؤ اهمال بلشعر مثلا استعمال شامبو خطأ او غير مضبوط او اكو بيكم اللي يسبح بل تايد واكو اللي يسترخصون الشامبو او يستخدمون صبغات رديئة النوعيه وتسبب تساقط مثل صبغة كوليستون ام ال 2000 دينار وغيرهن من الصبغات واستخدام اوكسجين فاشل مثل ابو الاعشاب او الاتوسا لان رخيص ب 500 دينار واستخدام البلوندر الايطالي ابو ال 1500 وتصبغون اكثر من 3 مرات بلسنه وتقصرون اكثر من مره بلسنه وكل هذا وتريدون شعر صحي وميتساقط هم لو سولفوهه لجاهل جان عقل يعني كل هل مصايب ويريدون شعر صحي بنات اتبعوا التالي وتنصحون زبائنكم بلتالي حتى ليكولون عنكم انتوا بس لغافة فلوس مع احترامي الكم حتى متسمعون هل حجايه اتبعوا التالي :
1_ استخدام شامبو مضبوط واصلي للشعر
2_استخدام صبغه مضبوطه واستخدام اوكسجين مضبوط
3_ متصبغون شعركم اكثر من 3 مرات بلسنه يعني كل اربعة اشهر يله تصبغون مره وحده بس
4_ متقصرون شعركم اكثر من مرتين بلسنه .
6_ استخدام بلوندر مضبوط
7_ مننسه الزيوت الطبيعيه بل اخص زيت الاركان وزيت جوز الهند
8_ مننسه الحمام الزيتي كل اسبوع حنى يتغذى الشعر وترجع حيويته
9_ قص الشعر كل شهرين 2 سنتيم
10_ كل اربعة اشهر نروح نسوي تحليل مخزن الحديد وفيتامين دال وعنصر الزنك والغده الدرقيه حتى ميصير عدنه تساقط لحد تكول جريده
أختكم فقد الاحبة
رد مع اقتباس
المشاركة الأصلية كتبت بواسطة جمال الروح
